अखबार नेपाल ट्रेन्डिङ

काठमाडौं: थ्री नेसन्स कप अन्तराष्ट्रिय फुटबलको दोस्रो खेलमा नेपालले आज बंगलादेशसँग प्रतिस्पर्धा गर्दैछ ।

त्रिपुरेश्वरस्थित दशरथ रंगशालामा नेपालले बंगलादेशसँग साँझ ५:३० बजे प्रतिस्पर्धा गर्नेछ ।

दशरथ रंगशालामा ६ वर्षपछि अन्तर्राष्ट्रिय फुटबल फर्कदा नेपाली टोलीले विजयी सुरुवात गर्ने अपेक्षा थियो ।

तर, किर्गिस्तानको यू-२३ विरुद्ध बिहीबारको त्यो योजना सफल हुन सकेन ।

झन्डै आधा घन्टा १० खेलाडीमा सिमित रहेको पाहुला टोलीविरुद्ध नेपाली टोलीले जित दर्ता गर्न असफल रह्यो ।

रोहित चन्द, रञ्जित धिमाललगायतका केहि खेलाडीको प्रदर्शनलाई छाड्ने हो भने टोलीले सोचे जस्तो नत प्रदर्शन गर्न सक्यो न त नतिजाका निकाल्न सक्यो ।

नेपालले जस्तै बंगलादेशले पनि थ्री नेसन्स कपमा सिनियर टोलीलाई उतारेको छ ।

बंगलादेशसँग खेल्नुअघि नै नेपाल फाइनल पुग्ने अपेक्षा धेरैले गरेका थिए ।

आजको खेलमा बंगलादेशविरुद्ध मैदान उत्रदा नेपाल फाइनल पुग्ने लक्ष्यमा हुनेछ ।

यद्दपी बंगलादेशविरुद्ध बराबरीले पनि नेपाल फाइनल पुग्नेछ । त्यसैले आजको खेल नेपालका लागि महत्वपूर्ण रहेको छ ।

बंगलादेश भने यस अघि नै फाइनल पुगिसकेको छ ।

जसको कारण बंगलादेश नेपालविरुद्ध डररहित मैदान उत्रनेछ ।

बंगलादेशले पहिलो खेलमा किर्गिस्तानको यू-२३ टिमलाई १-० ले हराएको थियो ।

नेपालले भने किर्गिस्तानविरुद्ध गोलरहित बराबरी खेलेको थियो ।

प्रतियोगितामा बंगलादेशले १ खेलमा ३ अंक जोडेको छ ।

नेपालले १ खेलमा १ अंक जोडेको छ ।

किर्गिस्तानले २ खेलमा १ अंक जोडेको छ ।

किर्गिस्तानको समेत फाइनल पुग्ने सम्भावना रहेको छ ।

नेपाल बंगलादेशसँग दुई भन्दा बढी गोल अन्तरले पराजित भएको खण्डमा किर्गिस्तान फाइनल पुग्नेछ ।

राउण्ड रोबिनको आधारमा जारी प्रतियोगिताको शीर्ष दुई टिमले फाइनलमा प्रतिस्पर्धा गर्ने छन् ।

हेर्नुहोस् तपाईको आज २०७७ चैत १४ गते शनिबारको तपाईको राशिफल