अखबार नेपाल ट्रेन्डिङ

काठमाडौं: पहिलो संस्करणको काठमाडौं मेयर्स कप एकदिवसीय पुरुष क्रिकेट प्रतियोगितामा आज एक खेल हुँदैछ ।

टियु क्रिकेट मैदानमा हुने एक मात्र खेलमा विभागीय टिम नेपाल पुलिस क्लब र काठमाडौं मेयर-११ भिड्ने छन् ।

आज पुलिस तेस्रो जितको खोजीमा हुनेछ । पुलिस लिग चरणको अन्तिम खेलमा जित निकाल्दै फाइनल पुग्ने सम्भावना बलियो बनाउन चाहन्छ ।

पुलिसले ३ खेलमा ४ अंक जोडेको छ ।

पुलिसले पहिलो खेलमा बागमती प्रदेशलाई हराएको थियो । दोस्रो खेलमा एपीएफसँग पराजित पुलिसले तेस्रो खेलमा आर्मीलाई हराएको थियो ।

काठमाडौंको यो तेस्रो खेल हो । काठमाडौंले २ खेलमा २ अंक जोडेको छ ।

पहिलो खेलमा बागमतीलाई हराएको काठमाडौं दोस्रो खेलमा आर्मीसँग पराजित भएको थियो ।

आज काठमाडौं पुलिसलाई हराएर फाइनल पुग्ने सम्भावना जिवितै राख्न चाहन्छ ।

पाँच टिम सहभागी प्रतियोगिताको शीर्ष दुई टोलीले उपाधिका लागि खेल्ने छन् ।

युभेन्टस यूईएफए च्याम्पियन्स लिग फुटबलको अन्तिम १६ बाट बाहिरियो
बोरुसिया डर्टमण्ड च्याम्पियन्स लिग फुटबलको क्वाटरफाइनलमा प्रवेश