प्रिमियर लिगमा आजराति लिभरपुलले सेफिल्डसँग खेल्दै
वि.सं.२०७७ फागुन १६ आइतवार १४:१२
एजेन्सी: प्रिमियर लिगमा आजराति साविक विजेता लिभरपुलले सेफिल्ड युनाइटेडसँग प्रतिस्पर्धा गर्दैछ ।
यो सिजन निकै खराव लयमा देखिएको लिभरपुल छैटौं स्थानमा रहेको छ ।
आजको खेलमा लिभरपुललाई खेलाडीको चोटको चिन्ता रहेको छ ।
उसका कप्तान जोर्डन हेन्डरसन ग्रोइनको चोटका कारण आजको खेल खेल्नेछैनन् ।
उनी आठ साता मैदान बाहिर हुनेछन ।
यता सेफिल्ड युनाइटेडका जेडेन बोग्ले र क्रिस बासम चोटका कारण आजको खेल गुमाउने छन ।
यता लिभरपुलका मुख्य गोलकिपर एलिसोन खेल्ने नखेल्ने पनि एकिन भएको छैन ।
अघिल्लो सिजनको तुलनामा लिभरपुल यो सिजनमा निकै खराव फर्ममा रहेको छ ।
सेफिल्ड विरुद्ध लिभरपुलले पछिल्ला तीन खेलमा लगातार जित निकाल्न सफल भएको छ ।
सेफिल्डले लिभरपुललार्ई प्रिमियर लिगमा अन्तिम पटक सन् १९९४ को अप्रिलमा हराएको थियो ।
त्यसपछि उसले जित निकाल्न सकेको छैन ।
लिगको पुछारमा रहेको सेफिल्डले खेलेका २५ खेलमा २० खेल हारेर नराम्रो इतिहास बनाएको छ ।
हारेका खेलहरुमा १४ खेलमा उसले एक शुन्यको झिनो अन्तरले हारेको छ ।
यो पनि पढ्नु होस्
वि.सं.२०७७ फागुन १६ आइतवार १४:१२