अखबार नेपाल ट्रेन्डिङ

एजेन्सीः च्याम्पियन्स लिगको अन्तिम १६ को पहिलो लेगमा पीएसजीले स्पेनिस टोली बार्सिलोनालाई उसैको मैदानमा ४–१ गोलअन्तरले पराजित गरेको छ ।

खेलको २७औं मिनेटमा बार्सिलोनाका लागि लियोनल मेस्सीले पेनाल्टीमार्फत गोल गरेका थिए ।

मेस्सीले अग्रता दिलाएको पाँच मिनेटपछि फ्रान्सका विश्वकप विजेता केलिएन एम्बाप्पेले पहिलो हाफ बराबरी गोल फर्काए उनले ६५औं र ८५औं मिनेटमा गोल गरी ह्याट्रिक पूरा गरे ।

खेलको ७०औं मिनेटमा पीएसजीका लागि मोइसे कीनले हेडमार्फत अर्को गोल गरेका थिए ।

दोस्रो लेग पेरिसमा मार्च २० मा हुनेछ । त्यतिबेलासम्म मुख्य स्ट्राइकर नेइमारको तीध्राको चोट निको हुने अपेक्षा गरिएको छ ।