भागरथी भट्टको हत्या उनकै सहपाठीबाट भएको प्रहरीद्वारा पुष्टि, आज सार्वजनिक गरिंदै
वि.सं.२०७७ फागुन ५ बुधवार ०७:३१
कैलालीः बैतडीकी १७ वर्षीया किशोरी भागरथी भट्ट हत्या प्रकरणमा उनकै सहपाठीको संलग्नता रहेको प्रहरीले पुष्टि गरेको छ ।
सनातम धर्म माध्यमिक विद्यालयको कक्षा ११ मा अध्ययनरत एक युवकले बलात्कारपछि हत्या गरेको स्वीकार गरेको प्रदेश प्रहरी कार्यालयका प्रवक्ता प्रहरी वरिष्ठ उपरीक्षक मुकेशकुमार सिंहले जानकारी दिए ।
आज पत्रकार सम्मेलनमार्फत उनलाई सार्वजनिक गर्ने प्रहरीले तयारी गरेको छ ।
उनले प्रहरीसमक्ष भीरबाट लडाएर घाइते बनाएपछि बलात्कार गरेर ज्यान लिएको वयान दिएका छन् ।
भागरथी माघ २१ गते बेलुकासम्म विद्यालयबाट घर नफर्किएपछि परिवारले खोजी सुरु गरेको थियो ।
त्यसको भोलिपल्ट साँझ मात्र उनको शव लवलेकको जंगलमा भेटिएको थियो ।
क्षतविक्षत अवस्थामा भेटिएको शव पोष्टमार्टमपछि बलात्कार र हत्या गरिएको पुष्टि भएको थियो ।
वि.सं.२०७७ फागुन ५ बुधवार ०७:३१