अखबार नेपाल ट्रेन्डिङ

काठमाडौं: च्याम्पियन्स लिग फुटबलको सेमिफाईनलको पहिलो लेगमा अजाक्सले टोटेनहमलाई पराजित गरेको छ । घरेलु मैदानमा मंगलबार राती भएको खेलमा प्रिमियर लिग क्लब टोटेनहम डच क्लब अजाक्ससँग १-० गोल अन्तरले पराजित भएको हो ।

पाहुना टोली आयाक्सका लागि भान डे बिकले पहिलो हाफको १५औं मिनेटमा गरेको गोल नै निर्णायक सावित भयो । पहिलो हाफको सुरुवाती समयमा आयाक्सले उत्कृष्ट प्रदर्शन गर्दै घरेलु टोलीलाई दवावमा राखेको थियो । आयाक्सले पहिलो हाफमा गरेका अन्य प्रहार भने गोल हुन सकेन । दोस्रो हाफमा टोटेनहमले खेलमा दवाव कायम गरेपनि गोल गर्न असफल रह्यो । दोस्रो लेगको खेल आयाक्सको मैदानमा मे ८ तारिखमा हुनेछ ।