अखबार नेपाल ट्रेन्डिङ

एजेन्सीः प्रिमियर लिग फुटबलमा चेल्सीले फुलहममाथि १–० गोल अन्तरको कठिन जित हात पारेको छ ।

गएराती भएको खेलमा घरेलु टोली पहिलो हाफमै १० खेलाडीमा सिमित बनेको थियो । खराब ट्याकल गरेपछि एन्टोनी रविन्सनले रातो कार्ड खाँदै मैदानबाट बाहिरिएका थिए ।

चेल्सीले गोलका लागि ७८औं मिनेटसम्म पर्खनु पर्यो । मिसन माउन्टले चेल्सीका लागि विजयी गोल गरे ।

पछिल्ला चार खेलमा चेल्सीले पहिलो जित निकालेको हो ।

जित पछि चेल्सी २९ अंक जोड्दै तालिकाको सातौं स्थानमा उक्लियो । फुलहम १२ अंक सहित रेलिगेशन जोनमै रहेको छ ।