अखबार नेपाल ट्रेन्डिङ

काठमाडौं: प्रधानमन्त्री कप राष्ट्रिय महिला क्रिकेट प्रतियोगितामा लुम्बिनी प्रदेशले लगातार दोस्रो जित निकालेको छ ।

आज भएको समूह ए को आफ्नो दोस्रो खेलमा लुम्बिनीले कर्णालीलाई ९ विकेटले हराएको हो ।

मौसमका कारण १३ ओभरमा खेलाईएको खेलमा पहिले ब्याटिङ्ग गरेको कर्णालीले ६ विकेट गुमाएर ३४ रन बनाएको थियो ।

कर्णालीका कुनैपनि खेलाडीले दोहोरो अंक जोड्न सकेनन् । अघिल्लो खेलमा समेत कुनैपनि खेलाडीले दोहोरो अंक बनाएका थिएनन् ।

लुम्बिनीकी नेरी थापाले दुई, सरिता मगर र गिता गोसाईले समान एक एक विकेट लिए । ३५ रनको सामान्य लक्ष्य लुम्बिनीले मात्र एक विकेट गुमाएर पुरा गर्यो ।

लगातार दुई खेलमा जित निकाल्दै शीर्ष स्थानको लुम्बिनीले ६ अंक जोडेको छ । कर्णाली अंक विहिन हुँदै तालिकाको पुछारमा छ ।

र यो पनि पढ्नुहोस्ः
प्रशिक्षक टुचेल पिएसजीको व्यवहारले आक्रोसित
म्यानचेस्टर युनाइटेडले अग्रता जोगाउन नसक्दा २ अंक गुमायो
प्रिमियर लिग फुटबलमा आर्सनलले चेल्सीलाई हरायो
प्रिमियर लिग फुटबलमा एभर्टन दोस्रो स्थानमा उक्लियो