अखबार नेपाल ट्रेन्डिङ

एजेन्सीः जर्मन प्रशिक्षक थोमल टुचेल फ्रान्सेली क्लब पिएसजीको आफ्नो बर्खास्तीमा देखाएको व्यवहारलाई लिएर रुष्ट भएका छन् । क्लबले आधिकारिक रुपमा टुचेललाई पदमुक्त गरेको जनाकारी नदिए पनि पिएसजीको निर्देशक लिओनार्डाेले भने केहि सिमित मिडियामा यसको पुष्टि गरिसकेका छन् ।

टुचेलले निर्देशक लिओनार्डाेसँग बैठकपछि आफु पदमुक्त भएको जनाकारी पाएका थिए । तर उनी र क्लबबीच अफैपनि छाड्ने विषयमा सहमति हुन बाँकी छ । क्लबले उनको सम्झौता अझै बाँकी रहेकाले क्षतिपूर्ति दिनुपर्ने हुन्छ । त्यसबारे निर्णय नहुदै उनको बर्खास्तीबारे निर्णय बाहिर अगएपछि टुचेल रुष्ट भएका हुन ।

बुधबार टुचेल र लिओनार्डाेबीच भएको बैठकमा जर्मन प्रशिक्षकले आफु पदमुक्त भएको जनाकारी पाएका थिए । केहि समय अघिदेखि नै टुचेलको बोर्डसँग राम्रो सम्बन्ध रहेको थिएन । तर पछिल्लो समय लिगमा अपेक्षित नतिजा ल्याउन नसकेपछि क्लबले उनलाई बर्खास्त गर्ने निर्णय गरेको हो ।

च्याम्पियन लिगमा समुह विजेताको रुपमा आन्ति १६ मा प्रवेश गरेपनि लिगमा भने पिएसजी संर्घष गरिरहेको छ । गत साता लियोनसँग पराजित भएको पिएसजी लिलेसँग बराबरीमा रोकिएको थियो । शीर्षस्थानमा पकड गुमाएको साविक विजेता टोली दुवै टोलीभन्दा १ अंक पछाडी छ ।

स्रोताका अनुसार क्बलले टुचेललाई ७ मिलियन युरो तिर्नु पर्नेछ । क्बलका लागि २ लिग उपाधि र एक फ्रेन्च कप जिताएका टुचेलले क्लब इतिहासमा नै पहिलो पटक च्याम्पियन्स लिग फाइनल पु¥याएका थिए । उनको स्थानमा मौरिसियो पोचेटिनो आउने लगभग तय रहेको छ । क्लबले टुचेलको कागजी प्रक्रिया सकिएपछि मोचेटिनोको सम्झौता सार्वजनिक गर्नेछ ।

यो पनि पढ्नु होस्

https://www.akhabarnepal.com/%e0%a4%ae%e0%a5%8d%e0%a4%af%e0%a4%be%e0%a4%a8%e0%a4%9a%e0%a5%87%e0%a4%b8%e0%a5%8d%e0%a4%9f%e0%a4%b0-%e0%a4%af%e0%a5%81%e0%a4%a8%e0%a4%be%e0%a4%87%e0%a4%9f%e0%a5%87%e0%a4%a1%e0%a4%b2%e0%a5%87-%e0%a4%85/