अखबार नेपाल ट्रेन्डिङ

काठमाडौं : राष्ट्रिय खेलकुद परिषद् राखेप अन्तर्गत नेपाल खेलकुद विज्ञान प्रतिष्ठान (सान) का निर्देशक भलिबलका प्रशिक्षक सुदेश रिमालको निधन भएको छ । टाउकोमा समस्या आएपछि बुधबार न्युरो हस्पिटलमा भर्ना भएका रिमालको शुक्रबार निधन भएको हो । उनलाई ब्रेन ह्यामरेज भएको थियो ।

तालिम तथा प्रशिक्षण विभागका डेपुटी डाइरेक्टर दीपक राज शाहीका अनुसार हिँड्ने क्रममा खुट्टामा समस्या देखिएपछि उनको पाटन अस्पतालमा एमआरआई गरिएको र त्यहाँबाट न्युरो जान सुझाव दिएपछि रिमाल न्युरो अस्पताल लगिएको थियो ।

उनलाई तत्कालै भेन्टिलेटरमा राखेर उपचार गरिएको त्यसपछि पनि होसमा नआई रिमालको निधन भएको शाहीले जानकारी दिए ।
भलिबलको पूर्व मुख्य प्रशिक्षक समेत रहेका रिमाल १३औं दक्षिण एसियाली खेलकुदमा नेपालको बिच भलिबलका प्रशिक्षक थिए ।

राखेपले रिमालको निधनमा शनिबार बिहान ११ बजे त्रिपुरेश्वरमा श्रद्धाञ्जली कार्यक्रम गर्ने जनाएको छ । रिमालका छोरा अष्ट्रेलियाबाट आजै बेलुका नेपाल आइपुगेका छन् ।

यो पनि पढ्नु होस्

https://www.akhabarnepal.com/%E0%A4%85%E0%A4%AC-%E0%A4%95%E0%A5%8B%E0%A4%B0%E0%A5%8B%E0%A4%A8%E0%A4%BE%E0%A4%B2%E0%A5%87-%E0%A4%86%E0%A4%97%E0%A4%BE%E0%A4%AE%E0%A5%80-%E0%A4%A6%E0%A4%BF%E0%A4%A8%E0%A4%AE%E0%A4%BE-%E0%A4%AB/