अखबार नेपाल ट्रेन्डिङ

एजेन्सीः महिलाको टि-२० विश्वकप क्रिकेट एक वर्ष पछि सरेको छ ।

सन् २०२२ का लागि तय भएको आईसीसी महिला टि-२० विश्वकप अब सन् २०२३ मा हुने भएको हो ।

आईसीसीले बिहिबार विज्ञप्ति जारी गर्दै महिला टि-२० विश्वकप एक वर्षका लागि सारिएको जनाएको हो ।

यसअघि यो प्रतियोगिता २०२२ को नोभेम्बरमा दक्षिण अफ्रिकामा हुने तालिका रहेको थियो ।

आईसीसीको बिहिबार बसेको बैठकले विश्वकपलाई तीन महिना अघि सार्ने निर्णय समेत गरेको छ ।

अब महिलाहरुको टि-२० विश्वकप २०२३ को फेब्रुअरी ९ देखि २६ सम्म आयोजना हुनेछ ।

आईसीसीले २०२२ को जुलाईमा हुने कमनवेल्थ गेम्सका कारण टि २० विश्वकपलाई २०२३ सम्म सारेको हो ।

२०२२ मा हुने कमनवेल्थ गेम्समा महिला क्रिकेटलाई समेत समावेश गरिएको छ ।

२०२३ मा टि-२० विश्वकप बाहेक महिलाहरुको कुनै पनि ठूलो प्रतियोगिता छैन ।