अखबार नेपाल ट्रेन्डिङ

काठमाडौं –रोमेरू लुकाकुको दुई गोलको सहयोगले युइएफए नेसन्स लिगको समुह चरणको अन्तिम खेलमा डेनमार्कमाथि सहज जित हात पारेको छ ।
किङ पावर डिन ड्रिफ स्टेडियम हर्भेलिमा बुधवार राति भएको खेलमा घरेलु टोली बेल्जियमले डेनमार्कलाई ४–२ ले हराएको हो । बेल्जियमको जितमा लुकाकुले दुई गोल गर्दा युरी टिलेमान्स र केभिन डि ब्रुयनले समान एक÷एक गोल गरे । डेनमार्कका जोनस वाइन्डले एक गोल गर्दा एक गोल उपहार पाएको थियो ।
खेलको तेस्रो मिनेटमा नै युरी टिलेमान्सको गोलमा बेल्जियमले खेलमा अग्रता लिएको थियो । १७औं मिनेटमा मार्टिन ब्रेथवेटको पासमा जोनु वाइडले गोल गर्दै खेललाई बाबरीमा ल्याए । पहिलो हाफ १–१ गोलको बराबरीमा सकिदा दोस्र्रो हाफमा बेल्जियमले तीन गोल गर्न सफल हुदा डेनमार्कले एक गोल फर्कायो ।
५६औं मिनेटमा केभिन डि ब्रुयनको पासमा रोमरू लुकाकुले गोल गर्दै बेल्जियमलाई २–१ को अग्रता दिलाए । ६९औं मिनेटमा थोर्गन हाजार्डको पासमा लुकाकुले व्यक्तिगत दोस्रो गोल गर्दै बेल्जियमलाई सहज जित तर्फ अघि बढाए । ८६औं मिनेटमा नासिर चाड्लीले आत्मघाती गोल गरेपछि खेल ३–२ को अवस्थामा पुगेको थियो । त्यसको एक मिनेटपछि केभिन डि ब्रुयनले गोल गर्दै बेल्जियमलाई ४–२ को जित दिलाए ।
यो जितसँगै लिग ए २ मा बेल्जियमको ६ खेलबाट १५ अंक पुगेको छ । पराजित डेनमार्क १० अंक जोडेर दोस्रो स्थानमा रहेको छ । इंग्ल्यान्डले पनि १० अंक जोडेर तेस्रो स्थानमा छनोट सकाउदा आइसल्यान्ड अंक विहिन हुदै रेलिगेसनमा परेको छ ।