अखबार नेपाल ट्रेन्डिङ

काठमाडौं: सन् २०२२ मा कतारमा अयोजना हुने फिफा विश्रकप फुटबलका लागि दक्षिण अमेरिकी क्षेत्रमा जारी छनौट खेलमा ब्राजिलले उरुग्वेलाई पराजित गरेको छ ।

आज बिहान भएको खेलमा पाहुना टोली ब्राजिलले उरुग्वेलाई उसकै घरेलु मैदानमा ०–२ ले गोलले पराजित गर्यो ।

घरेलु टोली उरुग्वे खेलको ७१औं मिनेटमा १० खेलाडीमा सिमित हुन पुग्यो ।

फरवार्ड इडिन्सन काभानी सोझै रातो कार्ड पाएर मैदान छाडेका थिए ।

तर ब्राजिलले २ वटै गोल भने पहिलो हाफमै गर्न सफल भएको थियो ।

ब्राजिलका लागि खेलको ३४औं मिनेटमा अर्थुर मेलाले लामो दुरीबाट कडा प्रहारमा गोल गर्दै टिमलाई अग्रता दिलाएका थिए ।

त्यसपछि दोस्रो खेल पहिलो हाफको अन्तिम समय ४५औं मिनेटमा युवा स्टार रिचार्लिसनले गोल गरे ब्राजिलले पहिलो हाफमा ०–२ को सहज अग्रता बनायो ।

त्यपछि दोस्रो हाफमा दुवै टोलिबाट थप गोल नभएपछि खेल ब्राजिलले ०–२ ले जित्यो ।

जितपछि ब्राजिलले छनौट चरणमा आफ्नो अपराजित यात्रा कायमै राखेको छ ।

उसले ४ खेलबाट १२ अंक जोडेर शीर्ष स्थानमा छ ।

पराजित उरुग्वे ६ अंक जोडेर पााँचौ स्थानमा छ भने १० अंकका साथ अर्जेन्टिन दोस्रो स्थानमा छ ।