अखबार नेपाल ट्रेन्डिङ

काठमाडौं: शिक्षा, विज्ञान तथा प्रविधि मन्त्रालयले कोरोनाको जोखिम नभएका र कम हुँदै जाने स्थानीय तहका विद्यालयमा उपयुक्त विधि अपनाई पठनपाठन सञ्चालनको बाटो खुलाएको छ ।

मन्त्रिपरिषद्को गत कात्तिक २२ गतेको निर्णयबाट स्वीकृत ‘कोभिड–१९ को सन्दर्भमा विद्यालय सञ्चालन सम्बन्धी कार्यढाँचा, २०७७’ लाई मन्त्रालयले वेबसाइटमा समावेश गरी स्थानीय तहलाई जोखिमको मूल्याङ्कन गरी क्रमशः विद्यालय खोल्न मार्गदर्शन गरेको हो ।

हाल अनलाइन लगायत वैकल्पिक माध्यमबाट शिक्षण संस्थामा पठनपाठन भएपनि खासगरी तल्ला तहमा प्रभावकारी नभएपछि सरकारले विद्यालय खोल्ने आधार तयार गरेको हो ।

गत असोज २२ को निर्णयका आधारमा सरकारले सबै तहका परीक्षा सञ्चालनको कार्य शुरु गरिसकेको छ । यही मङ्सिर ९ गतेदेखि कक्षा १२ को गत वर्षको परीक्षाको ४० नम्बर प्राप्ताङ्कका लागि प्रत्यक्ष परीक्षा हुँदैछ ।

र यो पनि पढ्नुहोस्ः

विधिवत् रुपमा छठ पर्व आजदेखि सुरु, जलाशयहरुमा सरसफाई
प्रधानमन्त्री केपी शर्मा ओली र चिनियाँ राजदूत हाउ यान्छीबीच मध्यरातमा भेटवार्ता