अखबार नेपाल ट्रेन्डिङ

एजेन्सीः किङ्स इलाभेन पन्जाबले इण्डियन प्रिमियर लिग (आइपीइल) क्रिकेटमा तेस्रो जित हात पारेको छ ।

गएराति सम्पन्न खेलमा मुम्बई इन्डियन्सलाई सुपर ओभरमा पराजित गर्दै पञ्जाबले तेस्रो जित हात पारेको हो ।

मुम्बईले दिएको १ सय ७७ रनको लक्ष्यसहित जवाफी ब्याटिङ गरेको पन्जाबले २० ओभरमा ६ विकेट गुमाएर १ सय ७६ रन बनाएपछि खेलको नतिजाका लागि सुपर ओभर भएको थियो ।

पहिलो सुपर ओभर पनि बराबरीमा सकिएपछि नतिजाका लागि दोस्रो सुपर ओभर भएको थियो ।

पहिलो सुपर ओभरमा पन्जाबले २ विकेट गुमाएर न्युन योगफल बनाउन सक्यो ।

पञ्जाबको टिमलाई मुम्बईका जसप्रित बुम्राहले मात्र ५ रन दिएका थिए ।

जवाफमा ६ रनको लक्ष्य पछ्याएको मुम्बईले पनि १ विकेट गुमाएर ५ रन मात्र बनायो ।

पहिलो सुपर ओभरमा मुम्बईका रोहित शर्मा र क्विन्टन डी कक ब्याटिङमा आएका थिए भने पञ्जाबका मोहमद सामीले बलिङ गरेका थिए ।

पहिलो सुपर ओभर समेत बराबर भएपछि खेलको नतिजाका लागि दोस्रो पटक सुपर ओभर भयो ।

दोस्रो सुपर ओभरमा कायरन पोलार्डले ५ बलमा ८ रन बनाएपछि पहिले ब्याटिङ गर्दै मुम्बईले १ विकेट गुमाएर ११ रन बनायो ।

१२ रनको लक्ष्य पन्जाबले बिना विकेटको क्षतिमा चौथो बलमा पुरा गर्यो ।

पञ्जाबका क्रिस गेलले २ बलमा ७ रन र मयंक अग्रवालले २ बलमा ८ रन हिर्काउँदै लक्ष्य पुरा गरे ।

यस अघि टस जितेर पहिले ब्याटिङ गरेको मुम्बईले २० ओभरमा ६ विकेट गुमाएर १ सय ७६ रन बनाएको थियो ।

जितसँगै पन्जाबले १३ औं संस्करणको आइपीएलमा तेस्रो जित निकालेको हो ।

पन्जाबसँग पराजित भएपछि मुम्बईले भने शीर्ष स्थानमा उक्लने मौका गुमाएको छ ।