अखबार नेपाल ट्रेन्डिङ

एजेन्सी: इण्डियन प्रिमियर लिग (आईपीएल) क्रिकेटमा रोयल च्यालेन्जर्स बैंग्लोरले कोलकत्ता नाइट राइडर्सलाई पराजित गर्दै बैंग्लोरले पाचौं जित हात पारेको हो ।

बैंग्लोरले कोलकत्तालाई ८२ रनले पराजित गरेको हो । बैंग्लोरले दिएको १९५ रनको लक्ष्य पछ्याएको कोलकत्ता निर्धारित २० ओभरमा ९ विकटको क्षतिमा मात्र ११२ रन मा समेटियो ।

कोलकत्ताका शुभमन गिलले ३४ रन बनाउनु बाहेक अन्य ब्याट्सम्यानको प्रदर्शन सोचे अनुसार रहन सकेन । आन्द्रे रसेल र राहुल त्रिपाठीले समान १६-१६ रन बनाए ।

बैंग्लोरका क्रिस मोरिस र वासिंन्टन सुन्दरले दुई-दुई विकेट लिए ।

टस जितेर पहिले ब्याटिङ गरेको बैंग्लोरले निर्धारित २० ओभरमा २ विकेटको क्षतिमा १९४ रन बनायो । बैंग्लोरका लागि डेभिलियर्सले ७३ रनको पारि खेले ।

दोस्रो विकेट पतनसँगै क्रिजमा आएका डेभिलियर्स ३३ बलमा ५ चौका र ६ छक्का प्रहार गर्दै अविजित रहे । यस्तै कप्तान विराट कोहली २८ बलमा १ चौकासहित ३३ रनमा अविजित रहे । ओपनर एरोन फिंचले ४७ रन बनाए ।

कोलकत्ताका प्रशिद र आन्द्रे रसेलले समान एकएक विकेट लिए ।

जितसँगै बैंग्लोर १० अंकसहित तालिकाको तेस्रो स्थानमा उक्लिएको छ । पराजित कोलकत्ता भने चाथो स्थानमा छ ।