अखबार नेपाल ट्रेन्डिङ

एजेन्सी: ईण्डियन प्रिमियर लिग आईपीएलमा मुम्बई ईण्डियन्सले आफ्नो दोश्रो खेलमा पहिलो जित दर्ता गरेको छ ।

गएराति भएको खेलमा मुम्बई ईण्डियनसले कोलकाता नाईट राईडर्सलाई ४९ रनले पराजित गरेको हो ।

टस हारेर पहिले ब्याटिङ्ग गरेको मुम्बईले कोलकातालाई १ सय ९६ रनको लक्ष्य प्रस्तुत गरेको थियो । लक्ष्य पछ्याएको कोलकाताले ९ विकेट गुमाएर जम्मा १ सय ४६ रन मात्र बनाउन सक्यो ।

८० रन बनाएका मुम्बईका कप्तान रोहित शर्मा खेलको म्यान अफ दि म्याच घोषित भए । रोहितले आईपीएलमा आफ्नो ३७औं अर्धशतक बनाए भने २००औं छक्का प्रहार गर्ने दोश्रो भारतीय खेलाडी समेत बनेका छन् ।

कोलकातालाई सस्तैमा समेट्ने क्रममा मुम्बईका जसप्रित बुमराह, ट्रेन्ट बोल्ट र जेम्सु पेटिन्सनले समान २–२ विकेट लिए ।

लक्ष्य पछ्याएको कोलकाताका ब्याट्सम्यानलाई मुम्बईका बलरहरुले शुरु देखि नै खुलेर खेल्ने मौका दिएका थिएनन् । कोलकाताले पावर प्लेमा २ विकेट गुमाएर जम्मा ३३ रन जोडेको थियो ।

कप्रुतान दिनेश कार्तिक र नितिश राणाले कोलकाताको ईनिङ्ग समहाल्ने प्रयास गरेका थिए । कार्तिकले ३० तथा नितिशले २४ रन बनाएका थिए । यस्तै प्याट कमिन्सले ३० रन बनाए ।