अखबार नेपाल ट्रेन्डिङ

काठमाडौं:  प्रहरी कार्वाही गर्दा पालना गर्ने व्यक्तिगत स्वास्थ्य सुरक्षा मापदण्ड,मानव अधिकारको पालना र प्रहरी आचरण संहिता बारे घुम्ती अनुशिक्षण कार्यक्रमको शुरूवात गरिएको छ ।

महानगरीय प्रहरी कार्यालय मातहत प्रहरी कर्मचारीहरूलाई सचेत र सजक बनाउने उद्धेश्यले आजबाट व्यक्तिगत स्वास्थ्य सुरक्षा मापदण्ड, मानवअधिकार, प्रहरी आचरण संहिता र महामारीको समयमा प्रहरी कार्बाही विषयक १ घण्टाको घुम्ती अनुशिक्षण कार्यक्रमको शुरूवात गरिएको हाे ।

कार्यक्रममा महानगरीय प्रहरी कार्यालय,रानीपोखरीका प्रमुख प्रहरी नायव महानिरीक्षक विश्वराज पोखरेलले नागरिकको हक अधिकारलाई सम्मान गर्दै प्रहरीले व्यवसायिक जिम्मेवारी गर्नुपर्ने बताउनुभयो ।

प्रहरी नायव महानिरीक्षक पोखरेलले फिल्डमा खटिएका प्रहरीका समस्या,गुनासो र व्यक्तिगत स्वास्थ्य सुरक्षा मापडण्ढ पालना गर्दै उच्चतम व्यवसायिक क्षमता प्रर्दशन गर्नुपर्ने र नागरिकले अपेक्षा गरे अनुरूप शिष्ट व्यवहार गरी मानव अधिकारको सम्मान गर्नुपर्ने बताउनु भयाे ।

महादेवस्थान पार्टी प्यालेस कोटेश्वरमा भएको कार्यक्रममा प्रहरी वरिष्ठ उपरीक्षक किरण बज्राचार्यले महानगरीय प्रहरीको अवधारणा,आधुनिक तथा  Smart policing  को बिषयमा अनुशिक्षण प्रदान गर्नुभएकाे छ ।

प्रहरी नायव उपरीक्षक रबिन्द्र खनालले नेपाल प्रहरीको आचरण संहिताबारे प्रकाश पार्नुभएको थियो । कार्यक्रममा महानगरीय प्रहरी वृत्त बानेश्वरअर्न्तगतका सिनिय प्रहरी अधिकृत, जुनियर प्रहरी अधिकृत तथा अन्य दर्जा  समेत गरी ६० जनाको सहभागी रहेको थियो ।  

त्यसै गरी महानगरीय प्रहरी वृत्त सिहंदरबार अर्न्तगतका सिनिय प्रहरी अधिकृत,जुनियर प्रहरी अधिकृत तथा अन्य दर्जा  समेत ५१ जनालाई कार्की बैंकुट बबरमहलमा उल्लेखित विषयमा आजै अनुशिक्षण प्रदान गरीएको थियो ।