अखबार नेपाल ट्रेन्डिङ

एजेन्सी: इण्डियन प्रिमियर लिग (आईपीएल) क्रिकेटमा रोयल च्यालेन्जर्स बैंग्लोरले विजयी सुरुवात गरेको छ ।

बैंग्लोरले हैदराबादलाई १० रनले पराजित गरेको हो ।

बैंग्लोरले दिएको १ सय ६४ रनको लक्ष्य पछ्याएको हैदराबाद १९ दशमलव ४ ओभरमा १ सय ५३ रन बनाएर अल आउट भयो ।

हैदराबादका जोनी वेरस्टोले ६१ रन बनाए पनि हार टार्न सकेनन् । मनिष पाण्डेले ३४ र पुनम गर्जले १२ रन बनाउनु बाहेक अन्य ब्याट्सम्यानले दोहोरो अंकको स्कोर बनाउन सकेनन् ।

ओपनर डेभिड वार्नर ६, विजय संकर शुन्य रनमा आउट हुँदा रसिद खानले ६, अभिषेक शर्माले ७ रन बनाए । यस्तै भुवनेश्वर कुमार र मिचेल मार्सले खाता खोल्न सकेनन् ।

बैंग्लोरका युजवेन्द्र चाहलले ३, शिभव दुबेले २ र नवोदित शैनीले २ विकेट लिए । यस्तै डेल स्टेनको नाममा १ विकेट रहयो ।

यसअघि पहिले ब्याटिङ गरेको बैंग्लोरले हैदराबादलाई १ सय ६४ रनको लक्ष्य दिएको थियो । टस हारेर ब्याटिङको निम्तो पाएको रोयल च्यालेन्जर्स बैंग्लोरले पुरै २० ओभर खेल्दै ५ विकेटको क्षतीमा १ सय ६३ रन बनायो ।

बैंग्लोरका लागि डेब्यु खेलमा देवदत्त पाडिक्कलले सर्वाधिक ५६ रन बनाए, भने एभिडेभिलियर्सले पनि अर्धशतकिय पारि खेले । कर्नाटकाबाट २०१९ मा बैंग्लोर आवद्ध भएका पाडिक्कलले डेब्यू खेलमा ओपनरको रुपमा उत्कृष्ट ब्याटिङ गर्दै ८ चौकाको मद्दतमा ४२ बलमा ५६ रन हिर्काए ।

पाडिक्कलले अर्का ओपन एरोन फिन्चसँग ११ ओभर खेल्दै ९० रनको साझेदारी गरे । फिंच २९ रनमा आउट भए । यस्तै डेभिलियर्सले पनि अर्धशतकीय पारि खेले । उनले ५१ रन बनाउँदा कप्तान विराट कोहली १४ रन बनाएर आउट भए । शिभव दुबे ७ र जोस फिलिपे १ रनमा नटआउट रहे ।

हैदराबादका अभिषेक शर्मा, विजय संकर र थंगारसु नटराजनले समान एकएक विकेट लिए ।