अखबार नेपाल ट्रेन्डिङ

एजेन्सीः म्यान्चेष्टर सिटीले इङ्लिस प्रिमियर लिग फुटबलमा जित सहित नयाँ सिजनको सुरुवात गरेको छ ।

सिटीले उल्भ्सलाई ३–१ गोल अन्तरले पराजितको हो । सिटीको जितमा केभिन डी ब्रुइन, फिल फोडिन र ग्याब्रियल जिससले एक एक गोल गरे ।

उल्भ्सका राउल जिमेनेजले एक गोल फर्काए । ब्रुइनले २० औं मिनेटमा पेनाल्टीमा गोल गर्दै सिटीलाई अघि बढाएका थिए । फोडिनले ३२ औं मिनेटमा सिटीको अग्रता दोब्बर पारे ।

घरेलु टोलीका जिमेनेजले ७८ औं मिनेटमा गोल गर्दै उल्भ्सलाई खेलमा फर्काउने कोशिश गरेका थिए । तर दोस्रो हाफको इन्जुरी समयमा जिससले सिटीका लागि तेस्रो गोल गरेका थिए ।

सिटीका फोडिन र स्टर्लिङको गोलको राम्रा प्रयासलाई उल्भ्सका गोलकिपर रुइ पेट्रिकियोले बचाएका थिए ।

सिटीले लिगको पहिलो खेलमा जित निकाल्दै ३ अंक जोडेको छ । उल्भ्सले लिगको दोस्रो खेलमा भने हार ब्यहोरेको छ ।