अखबार नेपाल ट्रेन्डिङ

एजेन्सी: बोरुसिया डर्टमन्डले जर्मन बुन्डेसलिगामा विजयी सुरुवात गरेको छ ।

सिजन २०२०/२१ को पहिलो खेल खेलेको डर्टमन्डले मोन्चेन्ग्लाडवाकलाई पराजित गर्दै विजयी सुरुवात गरेको हो ।

घरेलु मैदानमा डर्टमण्डलाई जित दिलाउन अर्लिङ हालाण्डले दुई गोल गरे । यस्तै जियोभानी रेइनाले एक गोल गरे ।

खेलको ३५ औं मिनेटमा जियोभानीको गोलबाट डर्टमण्डले अग्रता बनाएको थियो । ५४ औं मिनेटमा हालाण्डले पेनाल्टीमा गोल गर्दै डर्टमण्डको अग्रता २-० को बनाए ।

त्यसपछि खेलको ७७ औं मिनेटमा हालाण्डले व्यक्तिगत दोस्रो गोल गर्दै टोलीलाई ३-० को जित दिलाए । जितसँगै डर्टमण्डले सिजनको सुखद सुरुवात गरेको छ ।