अखबार नेपाल ट्रेन्डिङ

एजेन्सीः इङ्ग्लिस् प्रिमियर लिग फुटबलमा आर्सनलले दोस्रो जित निकालेको छ ।

घरेलु मैदानमा आर्सनलले वेस्ट ह्याम युनाइटेडलाई २–१ गोल अन्तरले पराजित गरेको हो ।

अलेक्जेन्ड्रे लाकाजेटको गोलमार्फत २५ औं मिनेटमा आर्सनलले खेलमा अग्रता बनाएको थियो । ४५ औं मिनेटमा माइकेल एन्टोनियोले खेल बराबरीमा ल्याएका थिए ।

खेल सकिन ५ मिनेट अघि एडवर्ड निक्केयाले गोल गर्दै आर्सनललाई लगातार दोस्रो जित दिलाए । बैकल्पिक खेलाडीको रुपमा मैदान छिरेका उनले आर्सनलका लागि विजयी गोल गरेका हुन् ।

आर्सनलले २ खेलबाट ६ अंक जोड्दै तालिकाको दोस्रो स्थानमा उक्लिएको छ । वेस्ट ह्याम लगातार दोस्रो खेलमा पराजित बनेको छ ।