अखबार नेपाल ट्रेन्डिङ

एजेन्सीः ईङ्ग्लिश प्रिमियर लिग फुटबलमा आर्सनलले नर्विचमाथि शानदार जित निकालेको छ । घरेलु मैदान ईमिरेट्समा भएको खेलमा आर्सनलले रेलिगेशन जोनमा संघर्षरत नर्विचलाई ४–० गोलको फराकिलो जित निकालेको हो । जितसँगै आर्सनल जारी लिगमा तीन स्थानमाथि उक्लदै सातौ स्थानमा आएको छ ।

पहिलो मिनेटबाट नै नर्विचबिरुद्ध आक्रमक शैली अपनाएको आर्सनलले खेलको पहिलो हाफमा दुई गोल गर्यो भने दोश्रो हाफमा दुई गोल थपेको थियो । दोश्रो हाफमा आर्सनलमाथि नर्विचले केही टक्कर दिएको थियो । नर्विचले पनि खेलमा तीन गोलको अवसर बनाएको थियो तर सफल हुन सकेन ।

आर्सनललाई स्पष्ट तीन अंक दिलाउन खेलको ३३औं मिनटमा आर्सनल स्टार पिएरे एमेरिक आबुमयाङ्गले पहिलो गोल गरेका थिए भने त्यसको ४ मिनटपछि नै ग्रानिट हाकाले दोश्रो गोल गरेको थिए । खेलको ६७औं मिनटमा नर्विचको डिफेन्डर जोसिप ड्रिमीको गलत पासको फाईदा उठाउँदै आबुमयाङ्गले गोलमा परिणत गरिदिए । आर्सनलका लागि पहिलो खेल खेलेका सेड्रिक सोर्सले गरे । सब्स्टिट्युडको रुपमा आएको पाँचौ मिनटमा नै सोर्सले प्रिमियर लिगमा गोलको खाता खोले ।

जितसँगै आर्सनल ३२ खेलबाट ४६ अंक बनाउँदै शिर्ष ६ को नजिक पुग्यो भने नर्विच लिगको पुछारमा यथावत छ । नर्विचको ३२ खेलमा २१ अंक जोडेको छ । आर्सनल अघि छैठौ स्थानमा रहेको वुल्भ्स्को ५२ अंक छ ।