अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा आर्सनलले सहज जित निकालेको छ । बिहीबार राति भएको खेलमा आर्सनलले साउथह्याम्पटनलाई २-० गोल अन्तरले पराजित गरेको हो । साउथह्याम्पटनको मैदानमा आर्सनललाई जित दिलाउन एडवार्ड एनकेइटा र जोसेफ विललकले एक-एक गोल गरे ।

खेलको ८५ औं मिनेटमा जयक स्टेपहेन्सले रातो कार्ड पाउँदा घरेलु टिम १० खेलाडीमा समेटियो । त्यसपछि खेलको ८७ औं मिनेटमा जोसेफले गोल गर्दै आर्सनललाई २-० को जित दिलाए । जितसँगै आर्सनलले ३१ खेलबाट ४३ अंक जोडेको छ । आर्सनल लिगको नवौं स्थानमा रहेको छ । ३७ अंक जोडेको साउथह्याम्पटन १४ औं स्थानमा रहेको छ ।