अखबार नेपाल ट्रेन्डिङ

काठमाडौं: सरकारले लकडाउनको मिति जेठ ५ गतेसम्मका लम्ब्याएको घोषणा गरेसँगै बुधबार बसेको मन्त्रिपरिषद बैठकले खेलकुदका कुनै पनि गतिविधरु सो समयसम्म गर्न नपाउने निर्णय गरेको छ । बैठकले नेपालभरि रहेको खेलकुद स्थलहरु समेत खोल्न नपाउने निर्णय गरेको छ ।

नेपालमा रहेका कुनै पनि रंगशाला, खेलकुद मैदान, जिमखाना, ईण्डोर रंगाशाला खोलेको पाईएमा कडा कारवाही गर्ने समेत उल्लेख गरेको छ । कोरोना भाईरसको महामारीले त्रासदी फैलाउन शुरु गरेपछि नेपालमा पहिलो पटक चैत्र ११ गते लकडाउनको घोषणा गरिएको थियो । नेपालको खेलकुदको नियामक निकाय राष्ट्रिय खेलकुद परिषदले चैत्र ११ गते देखि बैशाख १८ गतेसम्मका लागि कुनै पनि खेलकुद गतिविधि नगर्न नगराउन उर्दी जारी गरेको थियो ।

खेलकुदका गतिविधिहरु रोक्किदा विभिन्न खेलका राष्ट्रिय तथा अन्तराष्ट्रिय खेलका तालिकासँगै विभिन्न खेल संस्थाहरुको आन्तरिक कार्यक्रमको तालिकामा असर पर्दै आएको छ । नेपालमा खेलको गतिविधि र त्यसबाट हुने आर्थिक पाटोमा भने उल्लेखनिय असर नपर्ने भएपनि खेलाडीहरु तालिम र अवसरबाट भने बञ्चित हुन परेको छ ।