अखबार नेपाल ट्रेन्डिङ

एजेन्सीः बेलायतको पुरानो फुटबल क्लब न्युकासल युनाईटेड साउदी अरेबियाका राजकुमार मोहम्मद बिन सलमान किन्ने भएका छन् । साउदी पब्लिक ईन्भेस्टमेन्ट फण्डबिच एसपिआईएफ) खरिद सम्झौताका लागि न्युकासलका मालिक माईक एस्लेबीच कुरा भईरहेको थियो ।

न्युकासलका मालिक माईक एस्ले न्युकासल सलमानलाई हस्तान्तरण गर्नका लागि अब खरिद प्रक्रियाका निम्ति केही कागजी कामहरु सम्पन्न हुन मात्र बाँकी रहेको छ । साउदी कम्पनीले समझौता पुरा भएपछि नयाँ सिजनदेखि क्लबको स्वामित्व ग्रहण गर्नेछ । खरिद पश्चात एसपिआईएफले न्युकासलको ८० प्रतिशत हिस्सा ओगट्नेछ भने हालका मालिक एस्लेको १० प्रतिशत शेयर रहनेछ ।

शुरुमा यी दुईबिच ३ सय ४० मिलियन पाउण्डमा कुरा नमिलेपछि अहिले एसपिआईएफले ३ सय मिलियन पाउण्डमा क्लबलाई किन्ने निश्चित भईसकेको छ । बेलायती कम्पनी सेनट जेम्स् होल्डिङ्गसले यसको सबै कानुनी प्रक्रियाहरु मिलाईरहेको छ । यसको मंगलबार सबै प्रकिया टुङ्गोमा लागेपछि न्युकासल प्रिमियर लिगको सबैभन्दा धनी क्लब बन्नेछ ।

एस्लेले सन् २००७ मा १३४ मिलियन पाउण्डमा न्युकासल किनेका थिए । किनेको एक वर्षमै उनले पुन न्युकासल बेच्ने प्रयास पनि गरेका थिए जसको त्यसबेला निकै आलोचना समेत भएको थियो । राजकुमार सलमानले यसअघि सन् २०१८ मा म्यान्चेस्टर युनाईटेड किन्ने ईच्छा देखाएका थिए ।