अखबार नेपाल ट्रेन्डिङ

इंग्लिस प्रिमियर लिग फुटबलमा टोटेनहम साउथह्याम्टनसँग परजित भएको छ । प्रिमियर लिग अन्तरगत गएराति भएको खेलमा टोटेनहम साउथह्याम्टनसँग २–१ ले पराजित भएको हो ।

साउथह्याम्टनको घरेलु मैदानमा टोटेनहमले खेलमा लिएको सुरुवाती अग्रता जोगाउन नसक्दा पराजित बन्न पुग्यो । ह्यारी केनको गोलबाट टोटेनहम खेलको २६औं मिनेटमा अग्रता लिएको थियो । केनले डेल अलीको पासलाई गोलमा परिणत गरेको थियो । ७६औं मिनेटमा घरेलु टोलीका यान भालेरीले बराबरी गोल फर्काए । ८१औं मिनेटमा जेम्स वार्ड प्रोसले गोल गर्दै साउगह्याम्टनलाई २–१ ले अघि बढायो । खेलमा पछि परेपछि टोटेनहमले खेलमा फर्कने प्रयास गरेपनि सफल नुहदा पराजित बन्न पुग्यो ।

हारसँगै टोटेनहमले शीर्षस्थानको म्यानचेस्टर सिटी र लिभरपुलसँगको अंक दुरी घटाउने मौका गुमाएको छ । पराजित टोटेनहम ३० खेलबाट ६१ अंक जोडेर तेस्रो स्थानमा यथावत छ । साउथह्याम्टन ३० खेलबाटै ३० अंक जोडेर रेलिगेसन जोनभन्दा दुईस्थान माथि १६औं स्थानमा रहेको छ ।