अखबार नेपाल ट्रेन्डिङ

एजेन्सीः रियाल मड्रिडका खेलाडीहरुले कोरोना भाईरसका कारण क्लबलाई पर्न जाने आर्थिक संकट न्युनिकरण गर्न तलब कटौतीमा सहमत भएका छन् । रियालका खेलाडी तथा प्रशिक्षण विभागका कर्मचारीहरुले आफ्नो कुल तलबको अधिकतम २० प्रतिशत सम्म तलब कटौतिमा सहमति जनाएका छन् ।

क्लब र खेलाडी तथा प्रशिक्षकहरुबीच भएको समझौतापत्रमा एक वर्षको तलबमा १० देखि २० प्रतिशतासम्म कुल तलबको कटौती गर्ने उल्लेख छ । समझौतामा क्लबका अन्य कुनैपनि कर्मचारीको तलब रोक्किन हुँदैन र आर्थिक संकटका कारणले कुनैपनि क्लको गतिवधि रोक्किनु हँदैन भन्ने उल्लेख गरिएको छ ।

स्पेनको प्रतिष्ठित फुटबल लिग ला लिगा मे २८ अघि नै शुरु सक्ने अनुमान लगाईएको छ । ला लिगाका अध्यक्ष जेवियर टेबासले ला लिगा मे २८ भन्दा अघि सूचारु हुन सक्ने बताएका छन् । मार्च ११ मा ला लिगा क्लब एट्लेटिको मड्रिडले च्याम्पियन्स् लिगको दावेदार लिभरपुललाई प्रतियोगिताबाट बाहिर पठाएदेखि कुनै पनि ला लिगा क्लबले फुटबल खेलेको छैन ।