अखबार नेपाल ट्रेन्डिङ

एजेन्सीः लियोनल मेस्सीको उत्कृष्ट गोलसँगै च्याम्पियन्स लिग फुटबलमा पेरिस सेन्ट जर्मेन (पिएसजी) ले म्यान्चेस्टर सिटीलाई २–० ले हराएको छ ।

पिएसजीको मैदानमा भएको खेलमा घरेलु टोलीका लागि लियोनल मेस्सी र इद्रिसा गुएले समान एक एक गोल गरे ।

खेलको ८औं मिनेटमा इद्रिसाको गोलबाट अग्रता लिएको पिएसजीलाई अग्रता दोब्बर बनाउन दोस्रो हाफको ७४औं मिनेट सम्म कुर्नु प¥यो ।

मेस्सी र एम्बपापेको निकै लोभलाग्दो तालमेलमा एम्बपापेको व्याक पासमा मेस्सीले नयाँ क्लबको लागि पहिलो गोल गर्न सफल भएका थिए ।

लियोनल मेस्सीको उत्कृष्ट गाेलसँगै पिएसजीकाे २–० जित पक्का भएकाे थियाे ।

एक जित एक बराबरीले पिएसजी दुई खेलबाट ४ अंक जोडेर समुहको शिर्ष स्थानमा रहेको छ ।

बार्सिलोनाबाट यसै सिजन पिएसजी आएको अर्जेन्टाइनी स्टार मेस्सीको नयाँ क्लबका लागि यो पहिलो गोल हो ।

यही समुहको अर्को खेलमा बेल्जीयमको क्लब ब्रुजले जर्मनीको आर.बी लेप्जीगलाई २–१ ले हराएको छ ।

च्याम्पियन्स लिगको समुह ‘बि’ को खेलमा इंग्लीश क्लब लिभरपुलले पोर्चुगलको एफ.सी पोर्टोलाई ५–१को अन्तरले हराउँदा स्पेनको एथ्लेटिको मड्रिडले इटालीको एसी मिलानमाथि २–१ को जित निकाल्यो ।

उता समूह सि को खेलमा नेदरल्याण्ड्सको आयाक्सले टर्कीको बेसिक्तासलाई २–० ले हराउँदा जर्मनीको बोरुसिया डर्टमण्डले पोर्चुगलको स्पोर्टीङलाई १–० ले पाखा लगायो ।

गएराति भएको समूह डि का खेलहरुमा मल्दोभाको शेरिफ तिरास्पोलले स्पेनको रियाल मड्रिडलाई उसैको मैदानमा २–१ ले हराउँदा युक्रेनको शख्तर र इटालीको इन्टर मिलानले गोलरहित बराबरीमा चित्त बुझाए ।

यो पनि पढ्नु होस्ः

एनसेल फोरजीका साथ ‘बजाज एभरेस्ट प्रिमियर लिग’ आजबाट शुर