अखबार नेपाल ट्रेन्डिङ

काठमाडौं:  नेपाली कामदारलाई दक्षिण कोरिया पठाउने प्रक्रिया अगाडि बढाइएको छ ।  कोभिड महामारीका कारण रोकिएको नेपाली कामदारलाई दक्षिण कोरिया पठाउने प्रक्रिया अगाडि बढाइएको हो ।

कोरियाको मानव संसाधन विकास बोर्ड (एचआरडी) ले तोकेको मापदण्डअनुसार कोरोना बीमा र सीधा उडानको सम्झौतापछि नेपाली कामदार कोरिया पठाइने वैदेशिक रोजगार विभागअन्तर्गतको ईपीएस शाखाले जनाएको छ ।

कोरियाका लागि सीधा उडान गर्नका लागि बोलपत्र आह्वान भइसकेको ईपीएस शाखाले जनाएको छ। अक्टोबरमा सीधा उडानको सम्झौतापछि नियमित उडान हुने र एचआरडीले अन्तिम छनोट गरेका नेपाली कामदार पठाउन सुरु गरिने शाखाले जनाएको छ।

मापदण्डअनुसार नेपालबाट जाने कामदारको कोभिड बीमा हुनुपर्ने, सीधा हवाई उडान हुनुपर्ने र १४ दिन होटल क्वारेन्टाइनको खर्च श्रमिक स्वयंले व्यहोर्नुपर्नेछ।

दक्षिण कोरिया जाने कामदारको बीमा गर्न विभागले शिखर, प्रिमियर, अजोड, एनएलजी, आइएमई र प्रभु इन्स्योरेन्स कम्पनी छनोट गरिसकेको छ। यी कम्पनीले कोरिया जाने कामदारको ५ हजार डलरसम्मको कोरोना बीमा गर्नुपर्नेछ।

कोभिडका कारण २ वर्षयता कोरियाको रोजगारी ठप्प छ। भाषा परीक्षा उत्तीर्ण गरेका करिब १० हजार नेपाली कामदार कोरिया जान पाएका छैनन्।

यो पनी पढ्नुहोस् :

नबिल बैंक र वुमन लिडरसिप फोरमबीच अन्तर्क्रिया