अखबार नेपाल ट्रेन्डिङ

एजेन्सीः जर्मनको वेस्टफलन रंगाला अर्थात बोरुसिया डर्टमन्डको घरेलु मैदानमा भएको खेलमा बायर्न म्युनिखले डर्टमन्डलाई हराउँदै जर्मन सुपरकपको उपाधि जितेको उचालेको छ ।

मंगलबार राति सम्पन्न खेलमा बायर्नले डर्टमन्डलाई ३–१ गोल अन्तरले हराउँदै उपाधिमा कब्जा जमाएको हो ।

दुई जर्मन क्लब विच निकै प्रतिस्पर्धात्मक खेलमा बायर्नका लागि रोबर्ड लेवान्डोस्कीले दुई गोल गरेका थिए ।

जर्मनका स्टाईकर थोमस मुलरले पनि एक गोल गरेका थिए। डर्टमन्डका लागि भने मार्को रिउसले गोल फर्काए ।

पहिलो हाफको ४१औं मिनेटमा लेवान्डोस्कीले सर्ज गन्याब्रीको पासमा गोल गर्दै बार्यनलाई अग्रता दिलाएका थिए ।

लेवान्डोस्कीको गोलसँगै पहिलो हाफमा एक गोलले अघि रहेको बायर्नले दोस्रो हाफको ४९औं मिनेटमा अग्रतालाई दोब्बर बनायो ।

यसपटक थोमस मुलरले पोस्ट नजिकैबाट सहजै गोल गरे।

यता दुई गोलले पछि परेको डर्टमन्डका रिउसले बेलिङ्घमको पासमा गोल गर्दै खेललाई २–१ को स्थिति बनाए ।

डर्टमन्ड खेलमा फर्किने कोशिस गरे पनि त्यो सफल हुन सकेन ।

७४औं मिनेटमा लेवान्डोस्कीले व्यक्तिगत दोस्रो गोल गर्दै बायर्नलाई ३–१ गोल अन्तर बनाए ।

जर्मन सुपर कपमा बुन्डेसलिगाको विजता र जर्मन सुपर कपको विजेताले प्रतिस्पर्धा गर्छन् ।

यसमा एक फाइनल खेल मात्र हुन्छ ।

पछिल्लो सिजनको बुन्डेसलिगामा बार्यनले कीर्तिमानी लगातार नौ पटक बुन्डेसलिगाको उपाधि जितेको थियो ।

त्यस्तै, डर्टमन्डले जर्मन कपको उपाधि जितेको थियो ।

ति दुईबीचको प्रतिस्पर्धामा भने बायर्न विजयी भएको छ ।

यो पनि पढ्नु होस्ः बेलायतको चर्चित एथलेटिक्स लण्डन म्याराथन अक्टोबरमा