अखबार नेपाल ट्रेन्डिङ

काठमाडौं:  हाउजेले देशभरका शोरुममा एक्सचेन्ज अफर सुरु गरेको छ । हाउजेकोलागि नेपालको आधिकारिक बिक्रेता कृष्ण इन्टरनेसनल ट्रेडिङ कन्सर्नले देशभरका शोरुममा एक्सचेन्ज अफर सुरु गरेको हो ।

उक्त एक्सचेन्ज अफर भदौ २ गते सुरु भएर १५ दिनसम्म चल्ने कृष्ण इन्टरनेसनल ट्रेडिङ कन्सर्नले जनाएको छ । हाउजेले एक्सचेन्ज गर्दा पुरानो बाइक तथा स्कुटरको मूल्यमा अतिरिक्त १५ हजार रुपैयाँ मूल्यांकलन गरिने तथा नगदमा बाइक खरिद गर्दा पनि १५ हजार रुपैयाँ छुट प्रदान गरिने जनाएको छ ।

काठमाडौंको कमलपोखरीस्थित कृष्ण पाउरोटीसँगै कम्पनीको मुख्य शोरुम रहेको छ । काठमाण्डौ उपत्यकाका टेकु, नयाँबजार, चाबहिल,  बनेपामा र उपत्यकावाहिर चितवन, हेटौंडा, पोखरा, इलाम र संखुवासभामा हाउजेको शोरुम रहेका छन् ।

चिनियाँ मोटरसाइकल कम्पनी हाउजेका बाइकहरु नेपाली बजारमा लोकप्रिय रहेको छ । हाउजेको एनके १५० सिसीको बाइक धेरैको रोजाइमा परेकाले एक्सचेन्ज अफरले ग्राहक अझै बढी आकर्षित हुने कम्पनीले जनाएको छ ।

कम्पनीले नेपालका मुख्य सहरमा हाउजेको शोरुम, सर्भिस सेन्टर र पार्ट्ससहितका डिलरहरु विस्तार गरिरहेको छ । डर्ट सेगमेन्टको सो बाइकले नेपाली डर्ट बाइक बजारमा अर्को प्रतिस्पर्धा थपेको छ ।

यसमा प्रयोग गरिएको इन्जिन र च्यासिसको ब्यालेन्सका कारण राइडर जतिसुकै लामो र कठिन सडकमा पनि नथाक्ने कम्पनीको दावी छ । इन्जिन वारेन्टी २ वर्ष रहेको छ भने फ्रि सर्भिस ६ पटकसम्म उपलब्ध छ र पार्टस्समेत सर्वसुलभ मूल्यमा उपलब्ध रहेको कम्पनीले जनाएको छ ।

यो पनी पढ्नुहोस् :

अर्थ मन्त्रालयले छैटौँ भन्सार सुधार तथा आधुनिकीकरण योजना सार्वजनिक