अखबार नेपाल ट्रेन्डिङ

काठमाडौं:   युनियन लाइफ इन्स्योरेन्सको शेयर कारोबार आज सोमबारबाट सुचारु भएको छ । मनकामना स्मार्ट लघुवित्तको स्पेसल प्रि ओपन सेसनको कारोबारमा कम्पनीको कुनै पनि अर्डर म्याच नभएपछि कारोबार हुन सकेन ।

नेपाल स्टक एक्सचेन्ज नेप्सेमा आइतबार युनियन लाइफको शेयर सुचिकृत भएसंगै आजबाट कारोबार सुरु भएको हो । युनियन लाइफको पहिलो कारोबार ३४२ रुपैयाँमा भएको छ ।स्पेसल प्रि ओपन सेसनमा कम्पनीको ३४२ रुपैयाँमा पहिलो कारोबार भएको हो  । नेप्सेले कम्पनीको पहिलो कारोबारको लागि ११५ रुपैयाँ १३ पैसा देखि ३४५ रुपैयाँ ३९ पैसा सम्मको रेन्ज तोकेको छ ।

यो रेन्जको जुनसुकै मूल्यबाट कम्पनीको शेयर कारोबार सुचारु हुन सक्ने ब्यबस्था छ । नेप्सेले पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ ।  कम्पनीको ULI सिम्बलबाट कारोबार भएको हो ।

युनियनले असार २४ गतेदेखि असार २८ गतेसम्म आईपिओ बिक्रि खुला गरेको थियो  । कम्पनीले सर्वसाधारणको लागि  ६४ करोड २० लाखको बराबरले हुन आउने ६४ लाख ५० हजार कित्ता शेयर निष्काशन गरेको थियो ।

मनकामना स्मार्ट लघुवित्तको स्पेसल प्रि ओपन सेसनको कारोबारमा कम्पनीको कुनै पनि अर्डर म्याच नभएपछि कारोबार हुन नसकेको हो । यस संगै आज कम्पनीको नियमित समयमा कारोबार हुने छैन ।

भोलि मंगलबारको प्रि ओपन सेसनमा कारोबार भई सुरुवाती मूल्य तय भएपछि मात्र कम्पनीको नियमित कारोबार सुरु हुने छ । नेप्सेले कम्पनीको  पहिलो कारोबारको लागि ११० रुपैयाँ ८४ पैसा देखि ३०२ रुपैयाँ ५२ पैसा सम्मको रेन्ज तोकेको थियो ।

यो रेन्जको जुनसुकै मूल्यबाट कम्पनीको शेयर कारोबार सुचारु हुन सक्ने ब्यबस्था छ । नेप्सेले पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ ।  कम्पनीको MKLB सिम्बलबाट कारोबार हुने छ ।

मनकामनाको आइतबार १२ लाख ११ हजार ५ सय कित्ता शेयर सुचिकृत भएको हो । कम्पनीले असार १७ गतेदेखि आईपिओ बिक्रि खुला गरेको थियो । कम्पनीले  ३ करोड ८९ लाख बराबरको ३ लाख ८९ हजार कित्ता शेयर निष्काशन गरेको हो  ।

यो पनी पढ्नुहोस् :

युनियन लाइफ र मनकामना स्मार्टको सेयर दोस्रो बजारमा