अखबार नेपाल ट्रेन्डिङ

काठमाडौं:  शंकर समुहले चिनियाँ स्मार्टफोन ब्रान्ड ‘रियलमी’लाई अधिकृत नेपाल बिक्रेताका रुपमा भित्र्याएको छ । ४० वर्ष पुरानो नेपाली औद्योगिक घराना शंकर समुहले रियलमीलाई औपचारिक रुपमा नेपाली बजार भित्र्याएको हो ।

रियलमीको आधिकारिक बिक्रेता घोषणासँगै डिलरहरुका लागि कम्पनीले आइतबार काठमाडौंमा कार्यक्रम आयोजना गरेको थियो । कम्पनीले रियलमीका थोक तथा खुद्रा बिक्रेताहरुका लागि स्मार्टफोन बिक्रीवापत थुप्रै आकर्षक स्किमहरुको घोषणा गरेको छ।

आफ्ना रिटेलर्सहरुका लागि शंकर समूहले १०० दिने अभियान घोषणा छ। अभियान १५ अगस्टदेखि २४ नोभेम्बर २०२१ सम्म चल्नेछ। यस अभियान अन्तर्गत कुनै पनि रिटेलरले उक्त अवधिमा दुई हजार थान मोबाइल सेट बेच्न सके प्रोटोन सागा गाडी दिने घोषणा गरेको छ।

शंकर समूहले ११ सय युनिट स्मार्टफोन बिक्री गर्नेलाई टिभिएस आरआर ३१० मोटरसाइकल दिने साथै आठ सय युनिट बिक्री गर्नेलाई ५० ग्राम सून र चार सय ५० युनिट फोन बिक्री गर्नेलाई ३० ग्राम सुन प्रोत्साहन स्वरुप प्रदान गर्ने र रिटेलरहरुलाई थप दुई प्रतिशत अतिरिक्त ‘इन्सेन्टिभ’ को घोषणा गरेको छ ।

रियलमीले भारतीय र नेपाली बजारमा मूल्य प्रतिस्पर्धी नै तय गर्ने जनाएको छ। जसका कारण भारत र नेपालमा रियलमीका उत्पादनको मूल्य समान हुने देखिन्छ। भारतीय बजारमा जुन दिन स्मार्टफोन लन्च हुन्छ त्यही दिन नेपालमा पनि उक्त ग्याजेट लन्च गर्ने घोषणा गरेको छ।

कम्पनीले अबको दुई साता भित्रमा नेपाली बजारमा रियलमीका करिब १० वटा मोबाइल सेट भित्र्याउने जनाएको छ। शंकर समूहले सी११ (२०२१), सी२०, रियलमी एट, रियलमी एटप्रो, रियलमी एट फाइभजी, रियलमी एक्ससेभेन म्याक्स, रियलमी जीटी-एमइ र रियलमी जीटी लन्च गर्नेछ।

शंकर समूहले सी११ (२०२१) स्मार्टफोनलाई सबैभन्दा पहिला लन्च गर्ने बुझिएको छ। साथै, रियलमी एटलाई नयाँ मूल्यसहित कम्पनीले नेपाली बजारमा लन्च गर्ने बताएको छ। रियलमीले स्मार्टफोनसँगै विभिन्न अडियो डिभाइसहरु, स्मार्ट वाच तथा अन्य प्रडक्टहरु शंकर समूहमार्फत् नेपाल भित्र्याउने जनाएको छ ।

यो पनी पढ्नुहोस् :

युनियन लाइफको शेयर कारोबार सुचारु मनकामना स्मार्टको कारोबार हुन सकेन