अखबार नेपाल ट्रेन्डिङ

काठमाडौं: युनियन लाइफ र मनकामना स्मार्ट लघुवित्तको  सेयर धितोपत्र दोस्रो बजारमा आउने भएको छ ।  हालै आईपीओ बिक्री गरी बाँडफाँड गरेका कम्पनीहरुको सेयर भोलि सोमबारदेखि दोस्रो बजारमा कारोबारमा आउने भएको हो ।

नेपाल स्टक एक्सचेन्ज (नेप्से) आज आइतबार मनकामना स्मार्ट र युनियन लाइफ कम्पनीलको सेयर सूचीकरण सम्झौता भएको छ । कुनै पनि कम्पनीको सेयर नेप्सेमा सूचीकरण भएको दोस्रो दिनबाट कारोबार आउने गर्छ ।

नेप्सेमा मनकामना स्मार्टको १०० रुपैयाँ अंकित दरका कुल १२ लाख ११ हजार ५०० कित्ता सूचीकृत भएको छ । जसमा संस्थापकको ८ लाख २२ हजार ५०० कित्ता र सर्वसाधारणको ३ लाख ८९ हजार कित्ता रहेका छन् ।

यो लघुवित्तलाई नेप्सेले एमकेएलबी कारोबार संकेत प्रदान गरेको छ भने पहिलो करोबारका लागि न्यूनतम ११०.८४ रुपैयाँदेखि अधिकतम ३३२.५२ रुपैयाँ ओपनिङ रेन्ज तोकेको छ ।

यो लघुवित्तले गत असार १७ गतेदेखि असार २१ गतेसम्म आईपीओ निष्कासन गरेको छ । आईपीओ बाँडफाँड असार २८ गते गरिएको थियो ।

यसैगरी युनियन लाइफको १०० अंकित दरका कुल २ करोड १५ लाख कित्ता सेयर नेप्सेमा सूचीकृत भएको छ । जसमा संस्थापकको १ करोड ५० लाख ५० हजार कित्ता र सर्वसाधारणको ६४ लाख ५० हजार कित्ता रहेका छन् ।

यो कम्पनीलाई नेप्सेले यूएलआई कारोबार संकेत प्रदान गरेको छ । पहिलो कारोबारका लागि भने न्यूनतम ११५.१३ रुपैयाँदेखि ३४५.३९ रुपैयाँ ओपनिङ रेन्ज तोकिएको छ ।

युनियन लाइफको आईपीओ गत असार ३१ गते बाँडफाँड गरिएको थियो। यो कम्पनीले गत असार २४ गतेदेखि असार २८ गतेसम्म आईपीओ निष्कासन गरेको थियो ।

यो पनी पढ्नुहोस् :

साधना लघुवित्त वित्तीय संस्थाले १९६ प्रतिशतले नाफा बृद्धि गर्न सफल