अखबार नेपाल ट्रेन्डिङ

एजेन्सीः इङ्ल्यान्ड र पाकिस्तानबिचको दोस्रो टी-२० खेलमा इङ्ल्यान्ड ४५ रनले विजयी भएको छ ।

इङ्ल्यान्डको लिड्समा खेलिएको दोस्रो टी-ट्वेन्टी खेलमा पाकिस्तानले टस जितेर पहिले बलिङ गर्ने निर्णय गरेको थियो ।

पहिलो ब्याटिङ पाएको ईङ्ल्यान्डले शानदार प्रदर्शनी देखायो ।

इङ्ल्यान्डले १९.५ ओभरमा सबै विकेट गुमाएर २०० रन बनाइको थियो ।

कप्तान जोस बटलरले सर्वाधिक ५९ रन जोडेका थिए ।

लियाम लिभिङस्टोनले ३८ रन बनाउँदा अलराउन्डर मोइन अलीले १६ बलमा ३६ रन बनाउन सफल भए ।

पाकिस्तानका सबै बलर महँगो सावित हुँदा मोहम्मद हसनाइनले सर्वाधिक ३ विकेट बटुले ।

त्यस्तै हरिस राउफ र इमाद वासिमले २-२ विकेट लिन सफल भएका थिए ।

जवाफी ब्याटिङमा २०१ रनको लक्ष्य लिएर क्रिजमा उत्रेका पाकिस्तानका ओपनरद्वय कप्तान बाबर आजम तथा उप-कप्तान मोहम्मद रिजवानले राम्रो शुरुवात गरेका थिए ।

रिजवानले ३७ रन बनाउँदा बाबरले २२ रन बनाए ।

अन्य ब्याट्सम्यान सस्तोमै पविलियन फर्किँदा शादाव खानले अविजित ३६ रन खेलेका थिए ।

इङ्ल्यान्डका तिब्र गतिका बलर शकिव महमूदले सर्वाधिक ३ विकेट लिंदा स्पिनरद्वय मोइन अली र आदिल राशिदले २-२ विकेट लिन सफल भए ।

ब्याटिङ र बलिङ दुवैमा शानदार योगदान दिएका मोइन खेलको ‘म्यान अफ दि म्याच’ घोषित भए ।

यस जितसँगै इङ्ल्यान्डले तीन टी(ट्वेन्टी खेलको शृंखलामा १-१ को बराबरी गरेको छ।

यो पनि पढ्नु होस्ः