अखबार नेपाल ट्रेन्डिङ

एजेन्सीः अष्ट्रेलियाले क्रिकेट इतिहासमा लगातार चार टि–२० आई सिरिज गुमाएको यो पहिलो पटक हो ।

अक्टोबर नोभेम्बरमा यूएई र ओमानले संयुक्तमा टि–२० विश्वकप आयोजोना गर्दैछन् ।

टि–२० विश्वकपमा सहभागि हुने सबै राष्ट्रले तीव्र तयारी अगाडि बढाएका छन् ।

विश्व क्रिकेटको पावर हाउस मानिने अष्ट्रेलियाले विश्वकप तयारीमा रहेको आफ्नो टि–२० इतिहासकै खराब प्रदर्शन गर्न पुगेको छ ।

अष्ट्रेलियाले शनिबार वेस्ट इन्डिजसँगको पाँच टि–२० आई सिरिज ४–१ ले गुमाएको छ ।

सुरुवाती तीनै खेलमा पराजित भएको अष्ट्रेलियाले चौथो खेलमा चार रनको रोमान्चक जित हात पारेको थियो ।

अन्तिम खेलमा १६ रनले पराजित भएको थियो ।

योसँगै अष्ट्रेलियाले लगातार चार टि–२० आई सिरिज गुमाएको छ ।

अष्ट्रेलियाले आफ्नो टि–२० आई क्रिकेट इतिहासमा लगातार चार टि–२० आई सिरिज गुमाएको यो पहिलो पटक हो ।

अष्ट्रेलियाले इंग्ल्यान्डसँगको तीन टि–२० आई सिरिज गतवर्ष सेप्टेम्बरमा २–१ ले गुमाएको थियो ।

गत डिसेम्बरमा घरेलु मैदानमा भारतसँग तीन टि–२० आई सिरिज २–१ ले गुमाएको थियो ।

गत मार्चमा न्युजिल्यान्ड भ्रमण गर्दै पाँच टि२० आई सिरिज ३–२ ले गुमाएको थियो ।

यसअघि अष्ट्रेलियाले २०१९र२० मा भने लगातार चार टि२० सिरिज जितेको थियो ।

भारतलाई २०१९ मा घरेलु मैदानमा दुई टि–२० सिरिजमा क्लिनस्विप गरेको थियो ।

श्रीलंकाविरुद्ध तीन टि–२० सिरिजमा क्लिनस्विप, दक्षिण अफ्रिकाविरुद्ध तीन टि–२० आई सिरिज २–० र न्युजिल्यान्डसँग तीन टि–२० सिरिज २–१ ले जितेको हो ।

यसअघि २०१२र१३ मा अष्ट्रेलियाले लगातार तीन टि–२० सिरिज गुमाएको थियो ।

२०१२ मा पाकिस्तानसँगको तीन टि–२० आई सिरिज २-१ ले गुमाएको थियो ।

सन् २०१२ को टि२० विश्वकपपछि २०१३ जनवरीमा घरेलु मैदानमा श्रीलंकासँग दुई टि–२० सिरिज क्लिनस्विप बेहोरेको थियो ।

फ्रेब्रअरीमा वेस्ट इन्डिजसँगको एक मात्र टि–२० खेल पनि गुमाएको थियो ।

त्यसैवर्ष इंग्ल्यान्डसँगको दुई टि–२० सिरिज एकमा जितका साथ उपाधि बाँडेको थियो ।

२०२०र२१ मा अष्ट्रेलियाले १६ टि–२० आई खेल खेल्दा पाँच खेलमा जित र ११ खेलमा हार बेहोर्नु परेको छ ।

यो पनि पढ्नु होस्ः