अखबार नेपाल ट्रेन्डिङ

काठमाडौं: हिंसात्मक आन्दोलन त्यागी शान्तिपूर्ण राजनीतिमा ओर्लिएका नेपाल कम्युनिष्ट पार्टी माओवादीका महासचिव नेत्रविक्रम चन्द (विप्लव)ले आफ्नो सक्रियता ह्वात्तै बढाका छन् ।

शान्तिपूर्ण राजनीतिमा प्रवेश गरेसँगै अहिले विभिन्न नेताहरुलाई भेट्ने कामलाई तिव्रता दिएका छन् ।

केही समय अघि जनता समाजवादी (जसपा) नेपालका संघीय परिषद् अध्यक्ष डा. बाबुराम भट्टराईलाई भेटेका विप्लवले त्यसयता माओवादी केन्द्रका अध्यक्ष पुष्पकमल दाहाल(प्रचण्ड) र नेकपा एमालेका बरिष्ठ नेता माधवकुमार नेपाललाई भेटेका थिए ।

भेटघाटलाई तिब्रता दिदै  हिजो (शनिवार) नेपाल (क्रान्तिकारी माओवादी)का महासचिव मोहन वैद्य( किरण) लाई भेटेका छन् ।

वैद्यलाई भेट्न विप्लव उनकै निवास पुगेका थिए । भेटमा क्रान्तिकारी ध्रुवीकरण, संयुक्त मोर्चा र समसामयिक राजनीतिक विषयमा छलफल भएको बताइएको छ ।

वैद्य र विप्लव यसअघि एउटै पार्टीमा थिए । यसरी विप्लवले एकाएक सक्रियता बढाउनुलाई राजनीतिक वृत्तमा निकै अर्थपूर्ण रुपमा हेरिएको छ  ।

सत्तामा रहेका नेताहरसँग भेट्ददा उनले आफ्नो पार्टी र सरकारबीच भएको तीन बुँदे सहमति कार्यान्वयनमा जोड दिदै आएको बताईन्छ  ।