टोकियो ओलम्पिकमा सहभागी हुन राखेप सदस्य सचिव रमेशकुमार सिलवालको नेतृत्वमा आज १० सदस्यीय टोली जापान जाँदै
एक खेलाडी ९ अफिसियल
वि.सं.२०७८ साउन १ शुक्रवार ०६:४५
काठमाडौंः टोकियो ओलम्पिकमा सहभागी हुन राखेप सदस्य सचिव रमेशकुमार सिलवालको नेतृत्वमा आज १० सदस्यीय टोली जापान जाँदै छन् ।
रा.खे. प. सदस्य सचिव सिलवालको नेतृत्वमा जुडो खेलाडी सोनिया भट्ट, जुडो प्रशिक्षक सूर्य नारायण श्रेष्ठ, सुटिङकी कल्पना परियार र सुटिङका प्रशिक्षक असिम यादव छन् ।
त्यस्तै नेपाल ओलम्पिक कमिटीका कार्यकारी निर्देशक चतुरानन्द राज वैद्य पनि आजै जापान जाँदै छन् ।
टिम लिडर सुनिल कुमार श्रेष्ठ, तुलसी थापा, प्रकाश शमशेर राना र मेडिकल अफिसियलमा सूर्य नारायण श्रेष्ठ जापान जाने छन् ।
एनओसी अध्यक्ष जीवनराम श्रेष्ठको नेतृत्वमा भने आउँदो सोमवार पाँच सदस्यीय टोली टोकियो ओलम्पिकमा सहभागी हुन जापान जाने छन् ।
यस्तै साउन १० गते राखेप उपाध्यक्ष शिव कोइराला, एथलेटिक्स खेलाडी सरस्वती चौधरी, प्रशिक्षक इन्दिरा मल्ल जाने छन् ।
भने एनओसी उप–महासचिव पिताम्बर तिम्सिना पनि त्यसै दिन जापान जाने छन् ।
यसअघि पौडीका तीन सदस्यीय नेपाली टोली जापान पुगिसकेका छन् ।
टोकियो ओलम्पिक आउँदो ८ गतेदेखि शुरु हुँदैछ ।
टोकियो ओलम्पिकमा नेपालबाट पाँच खेलाडीले प्रतियाेगतामा प्रतिशप्रर्धा गर्ने छन ।
प्रशिक्षाक र पदाधिकारी २१ जना गरी २६ सदस्यीय टिमको सहभागिता हुने भएकाे छ ।
ओलम्पिकमा सहभागी हुने नेपाली टोलीलाई हिजो राष्ट्रपति विद्यादेवी भण्डारीले बिदाइ गर्नु भएको थियो ।
यो पनि पढ्नु होस्:
टोकियो ओलम्पिक ३३ खेलमा ३३९ पदकका लागि प्रतिस्पर्धा
वि.सं.२०७८ साउन १ शुक्रवार ०६:४५