अखबार नेपाल ट्रेन्डिङ

एजेन्सीः टोकियो ओलम्पिक यसै सातबाट शुरु हुने भएको छ ।

खेलकुदको महाकुम्भ २३ जुलाई देखि ८ अगस्टसम्म १७ दिन चल्नेछ ।

प्रतियोगिता जापानको विभिन्न ४२ वटा ‘भेनु’मा हुनेछन् ।

कोभिड–१९ महामारीका कारण एक वर्षपछि धकेलिएको प्रतियोगिताका खेलहरू जापानको राजधानी टोकियो शहरमा हुँदै छन् ।

विश्व खेलकुदको महाकुम्भ मेलामा ३३ खेल समावेश छन्  ।

प्रतियोगितामा ३३९ पदकको निर्क्योल हुनेछ  ।

३३औँ गृष्मकालीन ओलम्पिक प्रतियोगिताको आधिकारिक उद्घाटन भने अर्को शुक्रबार ९२३ जुलाई०मा हुनेछ  ।

महिला फुटबल र सफ्टबलका प्रतिस्पर्धा यही बुधबारबाटै सुरु हुँदै छन् ।

प्रतियोगिता उद्घाटन भएको दोस्रो दिनबाट पदकको निश्चित हुनेछ  ।

१७ दिन सम्म चल्ने यो प्रतियोगिता ८ अगस्टसम्म चल्नेछ ।

सोही साँझ प्रतियोगिताको समापन हुनेछ ।

टोकियो ओलम्पिक खेलकुद प्रतियोगिताको उद्घाटन समारोहमा नेपालबाट पौडीका खेलाडीद्वय गौरिका सिंह र एलेक्स शाहले नेपालको झन्डा संयुक्त रूपमा बोक्ने भएका छन् ।

अन्तर्राष्ट्रिय ओलम्पिक काउन्सिल (आइओसी)ले यसपटक टोकियो ओलम्पिकमा सहभागी खेलाडीहरूलाई लैंगिक समानता बनाउन उद्घाटनको मार्चपासमा पुरुष र महिलाले झन्डा बोक्ने जनाएको छ ।

नेपालबाट सुटिङकी कल्पना परियार, जुडोकी सोनिया भट्ट र एथ्लेटिक्सकी सरस्वती चौधरीले सहभागिता जनाउनेछन् ।

टोकियो ओलम्पिक यही २३ जुलाईदेखि ८ अगस्टसम्म आयोजना हुनेछ ।

गत साता नै एलेक्स र गौरिका ओलम्पिकमा सहभागी हुन र प्रशिक्षण गर्न टोकियो पुगेका छन् ।

याे पनि पढ्नु हाेस्