अखबार नेपाल ट्रेन्डिङ

एजेन्सी: कोपा अमेरिका विजेता अर्जेन्टिना र युरोकप विजेता इटालीबीच ‘म्यारोडोना सुपर कप’ नामक मैत्रीपूर्ण खेल हुने भएको छ ।

अर्जेन्टिनाका महान खेलाडी डिएगो म्यारोडोनाको सम्झनामा इटाली र अर्जेन्टिनाबीच मैत्रीपूर्ण खेल हुने भएको हो ।

मैत्रीपूर्ण खेलबारे औपचारिक घोषणा भने गरिएको छैन ।

दुई टिमबीचको खेल इटाली र अर्जेन्टिनामध्ये एक स्थानमा हुने बताईएको छ ।

इटालीले उपाधि फाइनलमा इंग्ल्यान्डलाई पेनाल्टी सुटआउटमा ३-२ ले हराउँदै युरो २०२० को उपाधि जितेको थियो ।

लियोनल मेस्सीको कप्तानीमा रहेको अर्जेन्टिनाले घरेलु टोली ब्राजिललाई १-० गोल अन्तरले हराउँदै उपाधि जितेको थियो ।