अखबार नेपाल ट्रेन्डिङ

रामेछाप:  कालोपत्रे गरेको  १५ दिन नवित्दै रामेछापको मन्थली नगरपालिका वडा नं ८ जखनीटारमा सडक भत्किएको छ । मन्थली– जखनीटार–चिसापानी सडक खण्डको जखनीटार क्षेत्रमा केहि दिन अगाडि मात्रै  कालोपत्रे गरिएको सडक भत्किएको हो ।

सडक भत्किएसंगै सडकमाथिका ५ घर पहिरोको जोखिममा परेका छन् । मन्थली नगरपालिका र बागमती प्रदेश सरकारको साझेदारीमा उक्त सडक कालोपत्रे गरिएको थियो । लुमिनस कन्ट्रक्सन प्रा.लि. ले सो  सडक कालोपत्रे गरेको हो ।

सडक मुनिबाट उठाइएको पर्खाल भत्किएकाले कालोपत्रे सहितको सडक पहिरिएको मन्थली नगरपालिकाका इन्जिनियर डिल्लि अधिकारीले बताउनु भयो  । उक्त सडकमा पर्खाल लगाउने काम भने नौलो सफल विहानी कन्ट्रक्सन प्रा.लि. ले गरेको थियो । सडक भत्किएसंगै सडक माथिका ५ घर उच्च जोखिममा परेका छन् ।

घर मुनिको सडक भत्किएकाले आफुहरु रातभर सुत्न नसकेको स्थानीय पिडित महिला यसोदा श्रेष्ठले बताउनु भयो । अहिले सडकलाई पालले छोपेर राखिएको छ । भत्किएको सडक र पर्खाल तत्काल मर्मतका लागि सम्बन्धित कम्पनीलाइ पत्राचार गरिएको मन्थली नगरपालिकाले जनाएको छ ।

यो पनी पढ्नुहोस् :

बैतडीको लगन भन्ने स्थानमा जीप दुर्घटना हुँदा तीन जनाको मृत्यु