अखबार नेपाल ट्रेन्डिङ

काठमाडौं: चालु शैक्षिक सत्रलाई असर नपर्ने गरी बैकल्पिक सिकाइ र बैकल्पिक परिक्षा प्रणाली अवलम्बन गर्न अनेरास्वियुले शिक्षा मन्त्रालयलाई ध्यानाकर्षण गराएको छ ।

अनेरास्वियुले शिक्षा मन्त्रालयलाई इमेल मार्फत आफ्ना २१ बुधे माग बुझाउदैँ शैक्षिक सत्रलाई प्रभावीत हुन नदिन आग्रह गरेको हो ।

स्थानियतहसँगको सहकार्यमा  अनलाईन तथा भौतिक दुरी कायम गरेर परिक्षा सञ्चालन गर्न तथा वैकल्पिक सिकाइ प्रणालीलाई प्रभावकारी बनाउन पाठ्यक्रम तथा पाठ्यभार परिवर्तन गरेरै भएपनि शैक्षिक सत्रलाई पुरा गर्न अनेरास्वियुले माग गरेको छ ।

त्यस्तै  रिक्त रहेका विश्वविद्यालयमा पधाधिकारी नियुक्त गर्न र एमडि/एमएस/एमडिएस लगायतका स्नातकतहका रोकिएका सम्पुर्ण प्रवेश परिक्षाको बैकल्पिक ब्यवस्थाद्वारा संचालन गर्न समेत माग गरेको छ ।

विचमा रहेका तह तथा सेमेष्टरका परिक्षा पछि सञ्चालन गर्ने भनिए पनि अझैसम्म टुङ्गो लाग्न नसकेको अन्तिम तह वा सेमेष्टरको परिक्षाको विशेष र बैकल्पिक प्रणाली लागु गर्न अनुरोध गरेको छ ।

पठनपाठन सञ्चालन नहुदाँ विद्यालय शिक्षा देखि विश्वविद्यालयसम्मका करिव ८१ लाख विद्यार्थी प्रभावित छन् । कक्षा १२ र विश्वविद्यालयका विभिन्न तहका परिक्षा सञ्चालन हुन सकेका छैन ।