अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयले कोरोना भाइरस ‘कोभिड-१९’ रोकथाम तथा नियन्त्रणका योजना, रणनीति तथा क्रियाकलापहरु सार्वजनिक गरेको छ । स्वास्थ्य तथा जनसंख्या मन्त्रालयमा बिहीबार पत्रकार सम्मेलन गर्दै मन्त्रालयले कोरोना संक्रमण नेपालमा फैलन नदिन गरिएको तयारीबारे जानकारी गराएको हो ।

पत्रकार सम्मेलनमा मन्त्रालयका प्रवक्ता विकास देवकोटाले कोरोना भाइरस प्रभावित मुलुकमा नेपालबाट हुने हवाई उडानहरू महामारी को अवधिभर बन्द गर्ने योजना सरकारले बनाएको जानकारी दिए । मन्त्रालयले सार्वजनिक गरेको ‘कोभिड-१९’ को संक्रमण फैलिएको अवस्थामा सञ्चालन गर्ने रणनीति र क्रियाकलाप सबै अस्पतालमा शंकास्पद बिरामीलाई जाँच गर्न छुट्टै कक्षको व्यवस्था गरिएको हब तथा स्याटालाइट अस्पतालहरुमा आइसोलेसन वार्डको व्यवस्था गरिएको बताए ।

प्रादेशिक अस्पतालहरुमा समेत आइसोलेन वार्ड र सघन उपचार कक्षको तथ्यांक अध्यावधिक गरि विरामीहरुको प्रभावकारी व्यवस्थापन गर्न इन्सिडेन्ट कमाण्ड सिस्टम तयारी अवस्थामा राखिएको आवश्यकता अनुसार प्रयोग गर्न खरिपाटी र नगरकोटको क्वारेन्टाइन स्थललाई यथावत राखिएको उच्च संक्रमित देशहरुबाट आउने नेपालीहरु साथै नेपालमा विभिन्न आयोजनामा कार्यरत विदेशी नागरिकलाई आवश्यक चेकजाँच गरी होम क्वारेन्टाइनमा रहन निर्देशन दिइएको र अनुगमन भैरहेको जानकारी दिईएको छ ।

विदेशस्थित कुटनीतिक नियोग तथा दूतावास मार्फत त्यहाँ रहेका नेपालीहरुलाई लक्षित गरी स्वास्थ्य सचेतना सम्बन्धि सूचना प्रभाव गरिएको स्वास्थ्य तथा जनसंख्या मन्त्रालयले दैनिकरुपमा जनहितका सूचना सहितको स्वास्थ्य बुलेटिन जारी गरिरहेको लगातका रोकथाम तथा नियन्त्रण कार्य भइरहेको ‘कोभिड-१९’ प्रभावित मुलुकहरुमा नेपालबाट हुने हवाई उडानहरु महामारी अवधिभरको लागि स्थगन गर्ने । स्थलगत आवागमनका अन्तर्राष्ट्रिय नाकाहरु बन्द गर्ने बासस्थान, निश्चित समुदाय, बस्ती, गाउँ, टोल, वडा, पालिका, जिल्ला प्रदेश पकेट एरिया लक डाउन’ गर्ने जनाएको छ ।

अत्यावश्यक सामाग्री बाहेक अन्य वस्तुहरुको आयात-निर्यात महामारी अवधिभर बन्द गर्ने र देशभरका सबै अस्पताल तथा स्वास्थ्य संस्थाहरुमा संक्रमितको प्रभावकारी उपचारका लागि जनशक्ति, आवश्यक उपकरण र प्रविधिहरुको अधिकतम परिचालन गरी आवश्यक परेमा फिल्ड तथा मोबाइल अस्पतालहरुको स्थापना गरी उपचार गरिने मन्त्रालयले जनाएको छ ।