अखबार नेपाल ट्रेन्डिङ

काठमाडौं: आईसीसीटी-२० महिला विश्वकप क्रिकेट अन्तर्गत एसिया छनोटको अन्तिम खेलमा कुवेतविरुद्धनेपाल ३० रनले विजयी भएको छ ।

नेपालले प्रस्तुत गरेको १ सय १७ रनको लक्ष्य पछ्याउने क्रममा कुवेतले २० ओभरमा ९ विकेट गुमाउँदै ८६ रनमात्र जोड्न सक्यो । रुविनाले इनिङको अन्तिम तीन बलमा लगातार विकेट लिँदै नेपालको जितमा महत्त्वपूर्ण प्रदर्शन गरेकी हुन् ।

कुवेतका लागि कप्तान मरियम ओमारले २९ रन जोड्दा ओपनरद्वय प्रियादा मुरलीले १४ तथा सब्रिन जाकिले १२ रन जोडे । नेपालका लागि रुविनाले ४ ओभरमा १७ रन खर्चेर ३ विकेट लिंदा करुणा भण्डारीले पनि १२ रन खर्चेर ३ विकेट हात पारिन् । नेरी थापा र कविता कुँवरले १-१ विकेट लिए ।टस जितेरपहिलो ब्याटिङ गरेको नेपालले २० ओभरमा ७ विकेट गुमाउँदै १ सय १६ रन जोडेको थियो ।

नेपाललाई बलियो योगफलसम्म पुर्याउन विन्दु रावलले सर्वाधिक २८ रनको योगदान दिईन् । काजल श्रेष्ठ १८ रनमा रनआउट हुँदा सिता रानामगरले खाता खोल्न सकिनन् । नेरी थापाले पनि ३ चौकाको मदतले १९ रन जोडिन ।नेपालले प्रतियोगिताको ६ खेलमा ५ जित र १ हार बेहोर्यो । १० अंक जोडेको नेपाल अंक तालिकाको दोस्रो स्थानमा रहेको छ । अन्तिम खेलमा यूएई र थाईल्यान्डको खेलपछि शीर्ष टोलीको छिनोफानो हुनेछ ।