अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओली महाराजगञ्जस्थित मनमोहन कार्डियोथोरासिक, भास्कुलर तथा ट्रान्सप्लान्ट सेन्टरमा नियमित डायलासिसका लागि अस्पताल पुग्नुभएको छ । एपेन्डिसाइटिसको शल्यक्रियापछि अस्पताल बसेर डिस्चार्ज हुनभएका प्रधानमन्त्री ओली आज साँझ ७:३० बजे अस्पताल पुग्नुभएको हो ।

प्रधानमन्त्री ओलीको मंसिर १० गते एपेन्डिसाइटिसको अप्रेसन गरिएको थियो । शल्यक्रिया गरेको १० दिनपछि अस्पतालबाट डिस्चार्ज हुनुभएको थियो । प्रधानमन्त्री ओलीको मिर्गौलाले काम गर्न छाडेपछि केही समययता नियमित डायलाइसिस हुँदै आइरहेको छ ।

१३औं दक्षिण एसियाली खेलकुद (साग)को समापन समारोहमा भिडियो सन्देश पठाउँदै सागमा सहभागी खेलाडी तथा आयोजकलाई सफलताको शुभ-कामना दिएपछि प्रधानमन्त्री ओली अस्पताल पुग्नुभएको हो । शुभ-कामना सन्देशमा उहाँले नेपालका स्वर्ण पदक विजेता खेलाडीहरुलाई विशेष प्याकेजका लागि भोलि (बुधबार) बालुवाटारमा बोलाउनुभएको थियो ।