अखबार नेपाल ट्रेन्डिङ

काठमाडौं: एसियाली विकास बैंक एडिबीले चार नयाँ परियोजनाको लागि नेपालमा ४० अर्ब ८१ करोड रुपैयाँभन्दा बढी ऋण लगानी गर्ने समझदारी गरेको छ । बैंकले नेपाल सरकारका अधिकारीहरुसँग ३ सय ५८ मिलियन डलर मंगलबारको विनिमय दर अनुसार ४० अर्ब ८१ करोड सहुलियतदरको ऋण सहयोग गर्ने समझदारी गरेको हो ।

ऋण सहयोग सम्बन्धी सम्झौतामा मंगलबार नेपाल सरकारका तर्फबाट अर्थसचिव डा राजन खनाल र एडिबीका देशीय निर्देशक मुख्तोर खामुद्खानोभले हस्ताक्षर गरेका छन् । एडिबीले दिएको ऋण सहायतामध्ये मुग्लिङ-पोखरा सडकको स्तरोन्नति गर्न १९ करोड ५० लाख अमेरिकी डलर ९ सय २२ अर्ब २३ करोड रुपैयाँ, बागमती नदीको बाढी व्यवस्थापन तथा सुधारका लागि ६ करोड ३० लाख डलर ९७ अर्ब १८ करोड रुपैयाँ, साना किसानको आम्दानी बढाउन र कृषि तथा खाद्य सुरक्षाका लागि ५-५ करोड अमेरिकी डलर ९५ दशमलब ७० र ५ दशमलब ७० अर्ब रुपैयाँ खर्च गरिनेछ ।

पोखरा-मुग्लिङ सडकको स्तरोन्नतिका झण्डै २९ अर्ब रुपैयाँ बराबरको लागत लाग्ने छ । यसमध्ये एडिबीको १९ करोड ५० लाख अमेरिकी डलर ऋण सहयोग र सरकारको ५ करोड ९० लाख अमेरिकी डलर बराबरको लगानी रहने छ ।