अखबार नेपाल ट्रेन्डिङ

काठमाडौं: च्यासलस्थित नेपाल कम्युनिष्ट पार्टी एमाले मुख्यालयमा प्रदर्शनकारीले तोडफोड र आगजनी गरेका छन् । जेनजी पुस्ताको आन्दोलनको दोस्रो दिन प्रदर्शन, तोडफोड र आगजनीका घटना बढेका छन् । आन्दोलनकारीहरू टोल टोलबाट निस्किएका छन् भने मुख्य निशाना कांग्रेस, एमाले र माओवादीका मुख्य नेताहरुका साथै मन्त्री र राजनीतिक दलका कार्यालयहरुलाई बनाएका छन् । आन्दोलनमा सरकारले दमन गरेपछि आज बिहानैदेखि काठमाडौंका विभिन्न स्थानमा विरोध प्रदर्शन भएको छ । विभिन्न ठाउँमा स्वःस्फूर्त रुपमा मानिसहरू सडकमा उत्रिएका छन् । सरकारले उपत्यकाका तीनै जिल्लामा कर्फ्यू लगाए पनि कर्फ्यूको उल्लंघन गर्दै प्रदर्शनहरु भइरहेका छन् ।