अखबार नेपाल ट्रेन्डिङ

काठमाडौं: मेडिकल व्यवसायी दुर्गा प्रसाईंको नागरिक बचाउ आन्दोलनले आज काठमाडौंको सिफलमा शक्ति प्रदर्शन गरेको छ । बिहीबारदेखि व्यवस्था विरोधी चरणबद्ध आन्दोलनको घोषणा गरेको प्रसाईंको अभियानले शुक्रबार तीनकुनेमा प्रदर्शनको आयोजना गरेको थियो ।

उक्त स्थलमा प्रदर्शनमा प्रशासनले रोक लगाएर धरपकड गर्दै प्रसाईंलाई भक्तपुरमा प्रहरीले नजरबन्दमा राखेको थियो । आज भने प्रसाईंकै उपस्थितिमा सिफलमा नागरिक बचाउ अभियानले विरोध कार्यक्रम गरेको हो ।

कार्यक्रम स्थलमा बाक्लो सङ्ख्यामा प्रहरी परिचालन गरिएको छ । सिफल क्षेत्रका घरका कौसी, छतमा सशस्त्र प्रहरी बसेका छन् । सिफल आसपासको क्षेत्र गौशाला, जयबागेश्वरी, चावाहिल, कालोपुल क्षेत्रमा ठुलो सङ्ख्यामा दङ्गा नियन्त्रक प्रहरी, सशस्त्र प्रहरी, नेपाल प्रहरी बाक्लो सङ्ख्यामा परिचालन गरिएको हो ।