अखबार नेपाल ट्रेन्डिङ

काठमाडौं: प्रतिपक्षी एमालेको अवरोधका कारण पटक-पटक स्थगन गरिएको सदनको बैठक सुचारु गर्न दलहरुले दुई बुँदे सहमति गरेका छन् ।

प्रधानमन्त्री पुष्पकमल दाहाल प्रचण्डले आज बोलाएको राष्ट्रिय मान्यता प्राप्त दलहरुको बैठकमा सदनको गतिरोध हटाउने सहमति हो । गत साउन ३ गते विमानस्थलबाट पक्राउ गरिएको एक क्विन्टल सुन तस्करीको छानबिन उच्चस्तरीय समितिले गर्ने र अवैध सुन तस्करी रोक्ने विषयमा समेत उक्त समितिले अनुसन्धान गर्ने गरी सहमति भएको छ ।

सुन तस्करी प्रकरणको छानबिन गर्न उच्चस्तरीय न्यायीक समिति गठनको माग गर्दै एमालेले गत साउन १० गतेदेखि सदन अवरुद्ध गर्दै आएको थियो ।